هه‌ده‌په‌ داخوازا پشتگریا سیاسی ژ هه‌رێما كوردستانێ دكه

شانده‌كه‌ پارله‌مه‌نته‌رێن پارتا ده‌مۆكرتیك ئا گه‌لان هه‌ده‌پێ، سه‌ردانا هه‌ولێرێ كر ب ئامانجا پیرۆزباهیا كابینه‌یا نوو ئا هكوومه‌تا هه‌رێما باشوورێ كوردستانێ و خورتكرنا تێكلیێن سیاسی.

شانده‌كه‌ هه‌ده‌پێ ب سه‌رۆكتیا سه‌زایی ته‌مه‌لی هه‌ڤسه‌رۆكێ هه‌ده‌پێ و 5 پارله‌مه‌نته‌ران، ب رێیا فرۆكخانه‌یا سته‌نبۆلێ سه‌ردانا هه‌رێما باشوورێ كوردستانێ كر و تا 11 مه‌ها ئیلۆنێ وێ ل هه‌ولێرێ بمینه‌.

شاندا هه‌ده‌پێ ژبۆ هه‌ولێرێ ژ پارله‌مه‌نته‌رێن وێ پارتێ به‌ردان ئۆزتورك، فاتما كورتولان، نازمی گوور، فه‌له‌كناس ئۆجا و ئیمام تاشجه‌ر پێك تێ.

شاندا هه‌ده‌پێ وێ 2  رۆژان ل هه‌ولێرێ و 2 رۆژان ل سلێمانیێ، ل گه‌ل نوونه‌رێن ئالیێن سیاسی و سازیێن جڤاكا سڤیل ره‌، هه‌ڤدیتنان پێكبینه‌.

هه‌ده‌پێ ئه‌شكه‌ره‌ كر، د ته‌ڤ هه‌ڤدیتنان ده‌، وێ پرسگرێكێن هه‌رێمی و چاره‌سه‌ركرنا وان و تێكلیێن د ناڤبه‌را كوردان ده‌ و كۆنفه‌رانسا یه‌كیتیا نه‌ته‌وه‌ئی، وێ بهێن نرخاندن.

رایه‌دارێن هه‌ده‌پێ وێ ل هه‌مبه‌ری دانانا قه‌یوومان و بنپێكرنا ده‌ستكه‌فتی ئێن كوردان و هه‌روه‌ها خورتكرنا تێكلیان، ئه‌وێ ژ رایه‌دارێن هكوومه‌تا هه‌رێما كوردستانێ ره‌ داخوازا پشتگریا سیاسی بكن.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن