یه‌كیتیا نشتیمانی وێ كۆنگره‌یا خوه‌ ل 7 كانوونا ئیسال ل داربخه‌

ئه‌نجوومه‌نا سه‌ركرده‌تی ئا پارتا یه‌كیتیا نشتیمانی ئا كوردستانێ، ئیرۆ جڤییا و ده‌ما پێكئانینا كۆنگره‌یا خوه‌ یا چاره‌مین دیاركر كو بریاره‌ ل 7 مه‌ها كانوونا یه‌كێ یا ئیسال وه‌ره‌ سازكرن.

پشتی چه‌ندین رۆژێن گۆتوبێژان، ئیرۆ رۆژا شه‌می، ئه‌نجوومه‌نا سه‌ركرده‌تی ئا یه‌كیتیا نشتیمانی ئا كوردستانێ، ب سه‌رپه‌رشتییا كۆسره‌ت ره‌سوول ئه‌لی سه‌كره‌ته‌رێ یه‌كه‌مێ ینكێ ل باژارێ سلێمانیێ جڤییا و د وێ جڤینێ ده‌، بریار هات دایین كۆنگره‌یا چاره‌مین ئا ینكێ ل رۆژا 7 مه‌ها كانوونا یه‌كێ یا ئیسال وه‌ره‌ ل دارخستن.

هه‌ر یه‌ك ژ به‌رهه‌م سالهـ سه‌كره‌ته‌رێ دووه‌مین و بافل تاله‌بانی به‌رهه‌ڤی جڤینا ئیرۆ بوون، لێ به‌لێ برێڤه‌به‌رێ هه‌یئه‌تا كارگێری ئا ینكێ مه‌لا به‌ختیار، وه‌كه‌ جڤینێن پێشتر، د جڤینا ئیرۆ ده‌ خوه‌یا نه‌كر.

یه‌كیتیا نشتیمانی كۆنگره‌یا خوه‌ ئا سێیه‌مین ل سالا 2010ان ل دارخستبوو، هه‌ر یه‌ك ژ پرسێن نه‌خوه‌ش كه‌تنا جه‌لال تاله‌بانی و پشتره‌ وه‌غه‌را وی ئا داویێ، زێده‌باری ناكۆكیێن ناڤا ینكێ، سه‌ده‌مێن سه‌ره‌كه‌ ئێن ساز نه‌كرنا كۆنگره‌یا چاره‌ما ینكێ نه‌.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg