تركیێ لێپرسین د ده‌رهه‌قا به‌رپرسێن هه‌ده‌پێ ده‌ ده‌ستپێكر

سه‌ردۆزگه‌رییا كۆماری ئا تركیێ، ئیرۆ لێپرسین ل گه‌ل به‌رپرسێن هه‌ده‌پێ، ب سووچا گه‌ف كرنێ ل وان مالباتێن ل به‌ر باره‌گه‌ها وێ پارتیێ چالاكییا روونشتنێ د دۆمینن، دا ده‌ستپێكرن.

سه‌ردۆزگه‌ری ئا كۆماری ئا ئامه‌دا باكوورێ كوردستانێ، د به‌یانه‌كه‌ نڤیسكی ده‌ ئه‌شكه‌ره‌ كر، ب سووچا کو بەرپرسێن هه‌ده‌پێ ئێن باژاران، گەف ل وان مالباتێن ل بەر باره‌گه‌ها هه‌ده‌پێ چالاکییا خوە ئا روونشتنێ د دۆمینن كرنه‌، لێپرسین ل گه‌ل وان هاتییه‌ ده‌ستپێكرن.

دۆزگه‌رییا ئامه‌دێ ئه‌و یه‌ك ژی ئه‌شكه‌ره‌ كر كو ژبۆی پاراستنا وان مالباتێن ده‌ردوورا باره‌گه‌ها هه‌ده‌پێ، وان فه‌رمانا پاراستنێ ب هێزێن ئه‌وله‌هیێ دایه‌.

تێ زانین هه‌ژماره‌كه‌ مالباتان چه‌ند رۆژن ب به‌هانه‌یا كو زارۆیێن وان ژ ئالیێ پارتا كاركه‌رێن كوردستانێ په‌كه‌كێ ڤه‌ هاتنه‌ ره‌ڤاندن، چالاكییه‌كه‌ روونشتنێ ل به‌ر ده‌ری و باره‌گه‌هێ پارتا ده‌مۆكراتیك ئا گه‌لان ده‌ست پێ كرنه.

هنه‌ك ژ وان مالباتان ژی ئه‌شكه‌ره‌ كرنه‌ كو به‌رپرسێن ناڤه‌ندێن هه‌ده‌پێ ئێن باژاران گه‌ف ل وان كرنه‌ و دۆزگه‌ری ئا ئامه‌دێ ئیرۆ فه‌رمان دایه‌ لێپرسین ل گه‌ل وان به‌رپرسان وه‌ره‌ كرنێ.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg