پارتێن سیاسی ئێن كه‌ركووكی ئیرۆ بێی به‌شداریا پارتا ده‌مۆكرات ئا كوردستانێ ل كه‌ركووكێ جڤیان و گه‌هشتن وێ بریارێ كو ب لیسته‌كه یه‌كگرتی، ته‌ڤلی هلبژارتنێن پارێزگه‌هیان ببن.
ئیرۆ سبێ هه‌ژماره‌كه پارتێن كوردستانی ل كه‌ركووكێ، بێی به‌شداریا پدكه ل باره‌گه‌ها پارتیا شیۆئی ئا كوردستانێ جڤیان و د جڤینێ ده، لهه‌ڤهاتنه‌كه ده‌ستپێكی ژبۆی درستكرنا لیسته‌ك یه‌كگرتی ژبۆی هلبژارتنێن داهاتی ئێن پارێزگه‌هیان كرن.
ئالیێن كو ئه‌ڤ جڤین پێكئانین ئه‌شكه‌ره كرن، ژبۆ كو ده‌نگێن كوردان ل كه‌ركووكێ به‌لاڤه نه‌بن، پێویسته ئه‌و ب لیسته‌كه یه‌كگرتی ته‌ڤلی هلبژارتنێ ببن.
هه‌ر وها ئه‌شكه‌ره كرن كو ژبۆ وێ لیستا یه‌كگرتی، هه‌ر ئالییه‌ك وێ 28 نامزه‌دان پێشكێش بكه.
پارتا دمۆكرات ئا كوردستانێ، به‌شداریا وێ د جڤینا ئیرۆ ئا ئالیێن كوردی ئێن كه‌ركووكێ ده نه‌بوو، سه‌ده‌م ژی بۆ وێ یه‌كێ ڤه‌دگه‌رن كو وێ پارتێ بایكۆتا پێڤاژۆیا سیاسی ئا كه‌ركووكێ كریه و دخوازه ل به‌راهیێ ره‌وشا كه‌ركووكێ ژبۆی پێشی ١٦ ئۆكتۆبه‌رێ وه‌ره ڤه‌گه‌راندن، پاش ئه‌وێ ته‌ڤلی پێڤاژۆیێ ببه.
ل گۆری بریارا پارله‌مه‌نا ئیراقێ هلبژارتنێن گه‌را داهاتی ئێن پارێزگه‌هیان، وێ ل مه‌ها نیسانا سالا داهاتی ئا 2020ان ده وه‌رن كرن.
