سه‌رۆك بارزانی و وه‌زیرێ پلاندانانا ئیراقێ جڤیان

سه‌رۆكێ پارتا ده‌مۆكراتا كوردستانی، ئیرۆ رۆژا سێشەمی  ل سەلاھەددین پێشوازیا د. نووری ئەل دلێمی وەزیرێ پلانێ ئێ ئیراقێ کر.

ل ھەڤدیتنێ دە وەزیرێ پلانێ ئێ ئیراقێ، پێزانینێن خوە ژ بۆ رۆلا سەرۆک بارزانی ئا ل قۆناخێن جودا ئێن ژیانا سیاسی ئا ئیراقێ ھەبوو و ھەولێن ژ بۆ کوورکرنا چاندا پێکڤەژیان و بەرەڤانیکرنا ل پێکھاتان بلند نرخاند، هه‌ر وەها سپاسی سەرۆک بارزانی و خەلکێ ھەرێما کوردستانێ ژی کر کو د رۆژێن دژوار ئێن شەرێ دائیشێ ده‌ میھڤانداریا  ب سەدان ھەزار کۆچبەرێن ئیراقێ کریە.

وەزیرێ پلانێ دەستخوەشی ل سەرۆک بارزانی کر کو رێنیشاندەر و شیرەتێ ل پارلەمەنتەرێن کوردستانێ ل ئەنجوومەنا نوونەرێن ئیراقێ کریە ژ بۆ کو بەرەڤانیێ ل ماف و داخوازیێن ھەموەلاتیێن پارێزگەھێن دنێن ئیراقێ ژی بکن.

ھەر ل ڤێ جڤینێ دە د دەربارێ رەوشا سیاسی ئا ئیراقێ و پلانێن ھکوومەتا ئیراقێ ئا ل سەر پرۆسەیا پێشده‌برنا ل ناڤچەیێن جودا جودا ئێن ئیراقێ و ھەر وەھا ئاڤادان کرن و باشترکرنا ژیانا خەلکێ دە، دانوستاندنا بیر و رامانان کرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg