سه‌رۆك وه‌زیرێ هه‌رێما كوردستانێ، د په‌یامه‌كێ ده كو د بیرئانینا 58 ئا شۆرشا ئیلۆنا مه‌زن ده وه‌شاندیه، دبێژه: ئه‌ڤێ شۆرشا مه‌زن، كوردستان وه‌كه پەناگەھەکە ئارام ژبۆ تەڤاھیا ئازادیخواز ئێن ئیراقێ لێكر، ئه‌ڤ ژی ته‌كه‌ستا وێ په‌یامێ یه:
ئیرۆ 58 سال ب سەر دەستپێکرنا شۆرشا ئیلۆنێ ئا کو ب درێژترین و مەزنترین شۆرشا گەلێ کوردستانێ، ب سەرکرداتیا رێبەرێ نەتەوئی ئێ کورد مستەفا بارزانی ئێ نەمر دەرباس دبە.
شۆرشا مەزنا ئیلۆنێ کو ل 11 ئیلۆنا 1961ان ده‌ستپێکر و سەرانسەرێ کوردستانێ دایە بەر خوە و تەڤاھیا پێکھاتەیێن ئۆلی و ئەتنیکی ئێن کوردستانێ د بن سه‌یوانا یەک سەرکرداتی دە، ل دژی ستەمکاران راوەستان و کوردستان ببوو پەناگەھەکە ئارام بۆ تەڤاھی ئا ئازادیخوازێن ئیراقێ.
ئەم د دەمەکێ دە شۆرشا مەزن و ئەو پێشمەرگەیێن قەھرەمان ئێن کو بەشداریا شۆرشێ کرنە ب بیر تینن، بوھا و پرەنسیپێن ب نرخ ئێن شۆرشێ ژی د بیرا مە دەنە، وەکە بەرخوەدان، ب ھەڤرە ژیان و یەکبوونا خەلکێ کوردستانێ، کو ھەرتم جێ سەرفرازیێ نە ژ بۆ مە و ئۆمید دکن کو ھەر تم ب زندی بمینن.
خەلکێ کوردستانێ ژی ب ھەمان جانێ تەبای و یەکرێزی بەرەڤانیێ ژ ماف و دەستکەفتێن خوە بکن.
سلاڤ ل پێشمەرگەیێن قەھرەمانیێن شۆرشا مەزنا ئیلۆنێ
سەرێ رێزداریێ ژبۆ شەھیدێن کوردستانێ
مەسروور بارزانی
10ێ ئیلۆنا 2019
