سه‌رۆك بارزانی: پشتگریا دیالۆگا ل سه‌ر بنگه‌ها ده‌ستوور دكن
سه‌رۆكێ پارتا ده‌مۆكرات ئا كوردستانێ، ئیرۆ رۆژا چارشەمی ل سەلاھەددین پێشوازیا بران مجفێتەرس، جیگرێ هنارتی ئێ سه‌رۆكێ ئه‌مەریکا ئێ نوو ل ئیراقێ كر.
ل ھەڤدیتنێ دە کو ستەڤەن فاگن، کۆنسۆلێ ئه‌مەریکا ل ھەولێرێ ئامادە بوو، د دەستپێکێ دە جیگرێ هنارتیێ سه‌رۆكێ ئه‌مه‌ریكایێ بۆ ئیراقێ شادبوونا خوە ب ڤێ ھەڤدیتنێ راگھاند و ژ بلی بلند نرخاندنا رۆلا بارزانی ئا ل پرۆسەیا سیاسیا ئیراقێ و ناڤچەیێ ده، راگھاند کو ئەو ھاتنە نه‌رینا بارزانی ئا د دەربارێ رەوشا نھا ئا گشتی ئا ئیراقێ و ناڤچەیێ و تێكلیێن ھەرێم و بەخدایێ ده بزانن.
ل ھەڤدیتنێ دە ب درێژی بەھسا دانوستانێن د ناڤبەرا ھەرێم و بەخدایێ ده هات کرن و بارزانی جارەکه دن تەکەز کر کو ئه‌و وێ پشتەڤانیا دیالۆگا ل سەر بنگەھا دەستوور و چارەسەریا کێشەیان كن.
ھەر وەھا رەوشا سیاسی ئا ناڤچەیێ و گەفێن دائیشێ خستن بەر بەھس و گۆتوبێژان.
بارزانی راگھاند کو ھەر چەندە دائیش ل روویێ شەرێ بەرەی ڤە شکایە، لێ بەلێ ژ ناڤ نەچوونە و مژوولی خوە رێخستنێ نە.
ھەر وەھا تەکەز کر کو دائیش گەفە ل سەر ھەموو ئالیەکێ، ژ بۆ ھنەک ئالیان گەفەکە نێزیک و ژ بۆ ھنەکێن دن گەفەکە دوور درێژە، بەھسا وان سەدەمان ژی کر کو دائیشێ پێ درستبووی و كو هینا نها ئه‌و سه‌ده‌م نه‌هاتنه چاره‌كرن.
ھەر ل ڤێ جڤینێ دە، پێشھاتێن سیاسی ئێن هه‌ری داوی ئێن ئیراقێ و ناڤچەیێ و رەوشا کەرکووک و ناڤچەیێن ماددەیا 140 ھاتنه گۆتوبێژ كرن.
رەوشا سووریێ مژارەکە دن ئا ڤێ ھەڤدیتنێ بوو و بارزانی دلگرانی و تێبینیێن خوە ئێن ل سەر رەوش و پیشه‌رۆژا گەلێ کورد ل سووریێ ب شاندا میھڤان ره گھاند.
