ئه‌نجوومه‌نا پارێزگه‌هیا هه‌ولێرێ، پایته‌ختا هه‌رێما باشوورێ كوردستانێ، ئیرۆ جڤیا و پارێزگه‌هه‌كه نوو ل شوونا نه‌وزاد هادی، ئێ پارێزگه‌هێ نها، هلبژارت.
ئیرۆ رۆژا پێنجشه‌می، ئه‌نجوومه‌نا پارێزگه‌هیا هه‌ولێرێ، ژبۆ هلبژارتنا پارێزگه‌هه‌كه نوو جڤیا، د جڤینێ ده و ب ده‌نگدانا ئه‌ندامێن ئه‌نجوومه‌نێ، د. فه‌رسه‌ت سۆفی، نامزه‌دێ فراكسۆنا پارتا ده‌مۆكرات ئا كوردستانێ، كو فراكسیۆنا هه‌ری مه‌زن ئا ئه‌نجوومه‌نێ یه، وه‌كه پارێزگه‌هێ نوو ئێ هه‌ولێرێ هات دیاریكرن.
ل گۆر یاسایا ئه‌نجوومه‌نێن پارێزگه‌هیان ئا سالا 2009ان ئا هه‌رێما باشوورێ كوردستانێ، پێویستیا پارێزگه‌هێ نوو هلبژارتی ب 51% ئا ده‌نگێن ئه‌ندامێن ئه‌نجوومه‌نێ هه‌یه، هه‌موه‌خت پێویستیا ب سووندخوارنا یاسایی ل همبه‌ری سه‌رۆكێ هه‌رێما كوردستانێ.
د. فه‌رسه‌ت سۆفی د جڤینا ئیرۆ ده، به‌ربه‌ستا 51% ئا ده‌نگان ده‌رباس كر و وه‌كه پارێزگه‌هێ نوو ئێ هه‌ولێرێ هات هلبژارتن و دێ شوونا نه‌وزاد هادی ئێ پارێزگه‌هێ نها، جی گره.
