گۆرانێ ئۆمه‌رێ سه‌ید ئه‌لی نه‌گوهه‌ری
ئه‌نجوومه‌نا نشتیمانی ئا ته‌ڤگه‌را گۆرانێ، ئیرۆ ل سلێمانیێ هلبژارتنێن رێبه‌رێ ته‌ڤگه‌رێ كرن و ئومه‌رێ سه‌ید ئه‌لی ئێ رێبه‌رێ نها، جار دن ژ بۆ وێ پۆستێ هلبژارت، چاڤدێر و سیاسه‌تڤانان، ئه‌ڤ هه‌نگاڤا گۆرانێ ره‌خنه‌كرن و گومانا خوه ژ كارینا ته‌ڤگه‌رێ ژبۆ گوهه‌رینان نیشان دان.
ته‌ڤگه‌را گۆرانێ كو ب پارته‌كه لیبرال ل هه‌رێما باشوورێ كوردستانێ تێ ناسكرن و ل گۆرا به‌رژه‌وه‌ندی ئا خوه جار وه‌كه ئۆپۆزسیۆن ده‌ردكه‌ڤه هۆلێ جار ژی ته‌ڤلی هكوومه‌تێ دبه و ده‌ستێ خوه دخه ده‌ست پارتێن ده‌ستهه‌لاتدار.
ئه‌نجوومه‌نا نشتیمانی ئا وێ ته‌ڤگه‌رێ ئیرۆ كۆنگره‌یا خوه سازكر، تێده هلبژارتن ژبۆ ئه‌ندامێن كۆمیتا راپه‌راندنێ و رێبه‌رێ ته‌ڤگه‌رێ كو ناڤێ رێكخه‌ری لێ دكن، برێڤه‌چوون.
د هلبژارتنێ ده، ئومه‌رێ سه‌ید ئه‌لی ئێ رێبه‌رێ نها ئێ گۆرانێ، جار دن ژبۆ وێ پۆستێ هات هلبژارتن كو 2 نامزه‌د ژبۆ وێ پۆستێ هه‌بوون، لێ وه‌ها ده‌ركه‌ت هۆلێ كو نامه‌زدێ دن ئه‌وێ ب ناڤێ شۆرش حاجی، نامزه‌ده‌كه شه‌كلی بوو و گۆرانێ ئه‌و ته‌نێ ژبۆ وێ یه‌كێ نامزه‌د كربوو ژبۆ كو هلبژارتن و ده‌نگدان وه‌ره كرن.
ل گۆری ده‌ستوورا گۆرانێ، ب وێ هلبژارتنێ، ئومه‌رێ سه‌ید ئه‌لی دێ ژبۆی ده‌ما 2 سالێن دن رێبه‌راتیا ته‌ڤگه‌را گۆرانێ بكه.
هه‌ژماره‌كه چاڤدێر ئێن سیاسی ئێن هه‌رێما باشوورێ كوردستانێ، هلبژارتنا دووه‌مین ئا سه‌ید ئه‌لی ژبۆی رێبه‌راتیا گۆرانێ، ره‌خنه كرنه، ئه‌وان خوه‌یاكرنه كو ئه‌ڤ گاڤا گۆرانێ ب به‌ره‌ڤاژی ئایدۆلۆژیا و ته‌كۆشین و هینا ناڤێ ته‌ڤگه‌رێ ب خوه تێ هه‌ژماركرن، ئه‌و ته‌ڤگه‌را كو بانگا گوهه‌رینێ و چاكسازییان ل هه‌رێما باشوور دكه، لێ وه‌ها ده‌ركه‌ت هۆلێ كو كارینا وێ ژبۆ گوهه‌رینان ته‌نێ سلۆگانه و ئه‌ساس ژبۆ تونه‌یه.
ته‌ڤگه‌را گۆرانێ ل سالا 2009ان ده‌ركه‌ت هۆلێ، نه‌وشێروان مسته‌فا رێبه‌رێ وێ بوو تا وه‌غه‌را وی ئا داویێ ل سالا 2017ان، كادرێن كو ئه‌و ته‌ڤگه‌ر درستكری ژ یه‌كیتیا نشتیمانی ئا كوردستانێ جودابوونه، ژ ده‌ركه‌تنا خوه ژی بانگا گوهه‌رین و چاكسازییان ل هه‌رێما باشوورێ كوردستانێ دكه.
