باله‌فرێن جه‌نگی ئێن تركیێ، ئیرۆ سبێ ئێریشی پێگه‌هێن پارتا كاركه‌رێن كوردستانێ، ل ناڤ سینۆرێن هه‌رێما باشوورێ كوردستانێ كرن، ئێریشێ زرارێن جانی گهاندن گه‌ریلایان.
باله‌فرێن جه‌نگی ئێن ئارته‌شا تركیێ ئیرۆ رۆژا دوشه‌می، پێگه‌هێن پارتا كاركه‌رێن كوردستانێ په‌كه‌كێ، ل گونده‌وارێ پارێزگه‌هیا دهۆكێ ئا هه‌رێما باشوورێ كوردستانێ بۆردۆمان كرنه و ل گۆر ئاگاهیان، 3 گه‌ریلا ئێن په‌كه‌كێ شه‌هید كه‌تنه.
ئێریشا ئیرۆ ئا تركیێ، ل سینۆرێ گوندێ سپیندارێ و هه‌ر وەها گوندێ گرگاشێ، ئێن سینۆرێ ناڤچه‌یا ئامێدیێ بوونه، ناڤچه‌یا كو به‌ر ب مۆشه‌كان ژی كه‌تی روونشتڤان لێ تونه نه.
وه‌زاره‌تا به‌ره‌ڤانی ئا تركیێ، د مژارا ئێریشان ده ته‌نێ به‌هسا به‌رته‌ره‌ف كرنا 3 گه‌ریلا ئێن په‌كه‌كێ كرنه كو ل چیایێ گاره، بوونه ئامانجا باله‌فرێن وان.
