سەرۆکێ ھەرێما کوردستانێ، ئیرۆ فه‌رمانا پارله‌مه‌نا کوردستانێ ئا دیاركرنا 3ی تەباخێ، وەکه رۆژا جینۆسایدا کوردێن ئێزدی په‌ژراند.
نێچیرڤان بارزانی، ئیرۆ ئیمزا خوه ل سه‌ر فه‌رمانا پارله‌مه‌نا كوردستانێ ئا ده‌ستنیشان كرنا رۆژا 3ی ته‌باخێ وه‌كه رۆژا كۆمكوژی و جینۆسایدا كوردێن ئێزدی كر، ب وێ یه‌كێ په‌ژراندن و ره‌زامه‌ندی ئا سه‌رۆكێ هه‌رێما كوردستانێ ب فه‌رمانێ ره چێبوو.
پارله‌مه‌نا کوردستانێ ل رۆژا 3ی تەباخا ئیسال جڤیا و 3ی ته‌باخێ وه‌كه رۆژا جینۆسایدا كوردێن ئێزدی په‌ژراندبوو.
د پرۆژه یاسایا پارله‌مه‌نا کوردستانێ ده ھاتییە: ئەو کۆمکوژیێن د راستا کوردێن ئێزدی ده ل ناڤچه‌یێن کوردستانی ھاتین کرن، تاوانێن مرۆڤی و ئێن جه‌نگی ل خوە دگرن، دەستھەلاتێن دەستووری ئێن ئیراقا فه‌ده‌رال ژ قەرەبووکرن و دایینا ماف و ئمتیازاتێن كه‌سێن كو زرار دیتنه، به‌رپرسیاره.
