بۆردۆمانێن تركیێ ل سه‌ر گه‌ریلایێن پارتا كاركه‌رێن كوردستانێ په‌كه‌كێ ل ناڤ سینۆرێن هه‌رێما باشوورێ كوردستانێ به‌رده‌وام دكن، ئیرۆ ژی بۆ جارا سێیه‌مین ئێریش باله‌فرێن جه‌نگی هاتن كرن.
ل گۆری ئاگاهیێن هه‌ری داوی، باله‌فرێن جه‌نگی ئێن ئارته‌شا تركیێ، ئیرۆ رۆژا دوشه‌می جار دن هه‌ره‌كه‌تێن گه‌ریلا ئێن پارتا كاركه‌رێن كوردستانێ په‌كه‌كێ، ل سینۆرێ گونده‌وارێ پارێزگه‌هیا دهۆكێ ئا باشوورێ كوردستانێ كرنه ئامانج.
ئه‌ڤ ئێریش كو یا سێیه‌مینه ژ سه‌رێ سبێ تێ كرن، ل چیایێ مه‌تینا ئا ل نێزی گوندێ گوهه‌رزێ هات كرن، لێ هینا نها تو زرارێن وێ نه‌هاتنه ئه‌شكه‌ره كرن.
باله‌فرێن تركیێ ئیرۆ سه‌رێ سبێ دو جارا ئێریشی په‌كه‌كێ ل ناڤ سینۆرێن هه‌رێما باشوورێ كوردستانێ كرنه، وه‌زاره‌تا كارێن هوندر ئا تركیێ ژی ئه‌شكه‌ره كر كو 3 گه‌ریلا د ئێریشێ ده هاتنه به‌رته‌ره‌ف كرن.
