بارزانی ژ به‌رهه‌م سالهـ ره‌ چ گۆت؟

سه‌رۆكێ پارتا ده‌مۆكرات ئا كوردستانێ، ئیرۆ، پێشوازیا سه‌رۆك كۆمارا ئیراقێ كر، بارزانی ب به‌رهه‌م سالهـ ره‌، پێویستیا پابه‌ندبوونا ب ده‌ستوورا ئیراقێ ته‌كه‌ز كر.

مه‌سعوود بارزانی، ئیرۆ رۆژا چارشه‌می ل باره‌گه‌ها خوه‌ ئا سه‌لاهه‌ددینێ، ل گه‌ل د. به‌رهه‌م سالهـ و شانده‌ پێره‌ كو ژ د. فوئاد هسێن وه‌زیرێ دارایی و جێگرێ سه‌رۆك وه‌زیرێ ئیراقێ و هه‌ژماره‌كه‌ شێوه‌رمه‌ندان ل خوه‌ دگرت، جڤیا و پێشهاتێن هه‌ر داوی ئێن مه‌یدانا سیاسی ئا ئیراق و هه‌رێما كوردستانێ، گۆتوبێژ كر.

ل وێ ھەڤدیتنێ دە کو ھۆشیار زێباری و مەھموود مھەمەد، ئەندامێن پۆلیتبیرۆ ئا پارتا دەمۆکراتا کوردستانێ و فەوزی ھەریری، سەرۆکێ دیوانا سەرۆکتیا ھەرێما کوردستانێ ئامادە بوون، د دەربارێ پێشھاتێن داوی ئێن سیاسی ل ئاستا ئیراق و ناڤچەیێ دە، دانوستانا بیر و رامانان کرن.

ھەر وھا رۆناھی خستن ل سەر تێكلیێن د ناڤبەرا ھەولێر و بەخدایێ ده‌، ب تایبەت پرسێن بودجا ئام ئا سالا 2020ان، رەوشا ناڤچەیێن کوردستانی ئێن دەرڤەی ئیدارەیا ھەرێمێ و هه‌ر وها دارشتنا یاسایان و گەف و خه‌ته‌را تەرۆرێ، ل ڤی دەرباری دە تەکەز ل سەر بەردەوامیا دیالۆگا چارەسەر کرنا کێشەیان ب گشتی و پابەندبوونا ب دەستوور کرن.

ھەر ل ڤێ ھەڤدیتنێ دە پرۆسەیا سیاسی ئا ھەرێما کوردستانێ خستن بەر بەھس و تەکەز ل سەر پێویستیا تەبایی و یەکرێزیا ئالیێن کوردستانیان کرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg