ره‌وش پر خه‌ته‌ر كه‌ت هه‌نگاڤێن به‌خدایێ ب ترسن

هكوومه‌تا هه‌رێما باشوورێ كوردستانێ، پاكێجه‌كه‌ داخوازیان دانه‌ هكوومه‌تا فه‌ده‌رال ژ بو كۆ نیقاشێ ل سه‌ر بكن، ته‌ڤ داخوازیێن هكوومه‌تا باشوور، گرێدائی بودجا سالا 2020ان، هكوومه‌تا باشوور ئه‌ڤ پاكێج ب به‌خدایێ ره‌ شاندیه‌، ده‌ما كو زه‌نگا خه‌ته‌رێ هاتی بهیستن.

ل گۆری ئاگاهیان، پشتی چه‌ندین رۆژێن نیقاش و موزاكه‌ریێ، ل ناڤبه‌را وه‌فدێن هكوومه‌تا فه‌ده‌رال و وه‌فدا هكوومه‌تا باشوور، هكوومه‌تا كوردستانی داخوازی ئێن خوه‌ هه‌نه‌، لێ به‌لێ ژبۆ ڤێ گه‌رێ، داخوازی ب پاكێجه‌كه‌ 6 برگه‌ دانینه‌ به‌ر سینگا به‌خدایێ، ته‌ڤ برگه‌ ژی ب ئیلتیزاما دارایی ئا هه‌رێمێ، هه‌ر وها چ هه‌نگاڤه‌ك پێویسته‌ هه‌ولێر د مه‌له‌فا نه‌فتێ بهاڤێژه‌.

ئه‌ڤ ژی پاكێجا كو هه‌ولێرێ دانینه‌ به‌ر سینگا به‌خدایێ:

برگا 1:

هكوومه‌تا هه‌رێما كوردستانێ وێ په‌ترۆلێ بده‌ به‌خدایێ ب وی مه‌رجێ كو دراڤ و داهاتیێ وێ، بكه‌ڤه‌ د بانكه‌كه‌ نیۆیۆرك ئا ئه‌مه‌ریكایێ ده‌، تایبه‌ت بانكا فه‌ده‌رال ئا ب ناڤێ FDA و ل ورده‌، حه‌سابه‌كه‌ تایبه‌ت ب هه‌رێمێ ڤه‌ وه‌ره‌ چێكرن كو به‌خدایێ ده‌ستهه‌لات ل سه‌ر نه‌به‌.

برگا 2:

به‌خدا ته‌ڤ خه‌رجیێن دراڤی بده‌ وان شركه‌تا كو ل هه‌رێما كوردستانێ كارێ ده‌رخستنا په‌ترۆلێ دكن، هه‌ر وها دایینا قه‌رزێن هه‌رێمێ ب قه‌رزێن تركیێ ڤه‌.

برگا 3:

به‌خدا 1.5 ملیار دۆلارێن ئه‌مه‌ریكی بده‌ هكوومه‌تا هه‌رێمێ ژ بۆ كو هه‌رێم مووچه‌یێن وه‌زیفه‌دارێن خوه‌ ئێن 3 مه‌هێن پاشكه‌تی ئێن سالا 2019ان ئه‌دا بكه‌.

برگا 4:

گره‌نتیكرنا شاندنا مووچه‌ و بودجه‌یا هه‌رێمێ ژ به‌خدایێ بێ كرن، دگه‌ل بودجا ده‌رمان و خزمه‌تگوزاریان.

برگا 5:

به‌خدا پابه‌ندیێ ب دایینا خه‌رجیێن ڤه‌گوهاستنا په‌ترۆلێ ژبۆ به‌نده‌را جه‌یهان ئا تركیێ بكه‌.

برگا 6:

ده‌ستنیشانكرنا نوونه‌رێ هه‌رێما كوردستانێ د شركه‌تا سۆمۆ ده‌، لێ به‌لێ پشتر مه‌هانه‌ راپۆر ژبۆ ئه‌نجوومه‌نا وه‌زیران بهێ شاندن نه‌ ژبۆ وه‌زاره‌تا په‌ترۆلێ، سه‌ده‌ما وێ داخوازیێ ژی ئه‌وه‌ كو هه‌رێمێ گومان هه‌یه‌ سۆمۆ ئانكو شركه‌تا نه‌ته‌وه‌ئی ئا په‌ترۆلا ئیراقێ، نها هنه‌ك میلیشیا و چه‌ته‌یا كۆنترۆل كرنه‌.

پرسا هه‌ر خه‌ته‌ر كو ده‌ركه‌تیه‌ هۆلێ ئه‌وه‌ كو هه‌ر چه‌نده‌ هكوومه‌تا هه‌رێما باشوورێ كورستانێ ئه‌ڤ داخوازی نه‌ وه‌كه‌ مه‌رج همبه‌ری به‌خدایێ كرنه‌، لێ به‌لێ هه‌ر چ به‌، بجیكرنا وان ژ ئالیێ به‌خدایێ ڤه‌، نه‌ هێسانه‌.

ئاگه‌هی ئێن نه‌فه‌رمی ئه‌شكه‌ره‌ كرنه‌ كو ته‌ڤی كو موزاكه‌ره‌ و نیقاش د دۆمه‌، لێ گه‌ر ل هه‌ڤهاتنه‌كه‌ پۆلایی ل نێڤبه‌را هه‌ولێر و به‌خدایێ ده‌ نه‌یێ كرن، به‌خدا وێ مووچه‌ و بودجا هه‌رێمێ قوت بكه‌.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن