مه‌سروور بارزانی و فه‌رماندارێ هه‌ڤپه‌یمانان جڤیان

سه‌رۆكێ هكوومه‌تا هه‌رێما كوردستانێ، ئیرۆ پێشوازیا شانده‌كه‌ ئه‌مه‌ریكی ب سه‌رۆكتیا جه‌نه‌رال ئێریك هێل، فه‌رماندارێ هه‌ره‌كه‌تێن تایبه‌ت ئێن هێزێن هه‌ڤپه‌یمانیا ناڤده‌وله‌تی ل ئیراقێ و سووریێ كر.

د هه‌ڤدیتنێ ده‌ مه‌سروور بارزانی  و جه‌نه‌رال ئێریك هیل به‌هسا وێ یه‌كێ كرن كو هه‌یا نها رێخستنا ته‌رۆریستیا دائیشێ ب خه‌ته‌ر ل سه‌ر ئاساییشا ناڤچه‌یێ و ڤه‌گه‌رینا ئاواره‌ و په‌نابه‌ران تێ هه‌ژمارتن.

هه‌ر وها مه‌سروور بارزانی: گۆت هه‌ماهه‌نگیه‌كه‌ هه‌ری باش د ناڤبه‌را هێزا پێشمه‌رگه‌ و ئارته‌شا ئیراقێ ده‌ ژبۆ روو ب روو بوونا دائیشێ هه‌یه‌.

دەربارێ دانوستاندنێن د ناڤبەرا ھەرێما کوردستانێ و ھکوومەتا فەده‌رال دە، سەرۆکێ ھکوومەتێ ئه‌شكه‌ره‌ كر كو ئاماژەیێن ئەرێنی ژ بەخدایێ ڤە گھشتینە مە ژ بۆ چارەسەرکرنا ئارێشەیان ل سەر بنگه‌ها دەستوورێ.

ژ ئالیێ خوه‌ ڤه‌، فه‌رماندارێ هه‌ڤپه‌یمانان ئاماده‌یا خوه‌ ژبۆ هه‌ر ئالیكاریه‌كه‌ پێویست نیشان دا و هه‌موه‌خت شادبوونا خوه‌ ب وێ هه‌ماهه‌نگیا د ناڤبه‌را پێشمه‌رگه‌ و ئارته‌شا ئیراقێ دیاركر.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن