سەرۆکێ ھەرێما کوردستانێ ئیرۆ ل گەل بەرپرسێ نڤیسینگەھا ھەماھەنگیا ئاساییشا ئه‌مەریکی ل ئیراقێ جڤیا و رەوشا ئاساییشا ناڤچەیێن کێشە ل سەر ئێن د ناڤبەرا ھەرێمێ و ھکوومەتا فەدەرال ده گوفتوگۆ کرن.
نێچیرڤان بارزانی، ئیرۆ سێشەمی ل ھەولێرێ پێشوازیا گرەگۆری کرەودەر كر و رەوشا ئاساییشا ناڤچەیێن کێشە ل سەر ئێن د ناڤبەرا ھەرێما کوردستانێ و ھکوومەتا فەدەرال ده گوفتوگۆ کرن، ب تایبەتی تیشک خستن ل سەر رەوشا پارێزگەھا کەرکووک و دەوروبەرا وێ و ناڤچەیا شنگالێ و دەشتا نه‌ینه‌وایێ، ھەر وھا تەکەز ل سەر پاراستنا ئاساییش و ئارامیا ل تەڤاھیا ئیراقێ کرن.
نێچیرڤان بارزانی، تەکەز ل سەر ھەڤکاری و ھەماھەنگیا د ناڤبەرا پێشمەرگە و ئارته‌شا ئیراقێ ل ناڤچەیێن کێشە ل سەر و پێویستیا بەشداریا ھێزێن ئه‌مەریکا ل مەکانیزما ھەڤبەش ئا د ناڤبەرا پێشمەرگە و ئارته‌شا ئیراقێ ئا ژ بۆ پاراستنا ئاساییش و ئارامی و رووبرووبوونا خه‌ته‌را تەرۆرێ کر.
ھەر وھا خوەشھالیا خوە ب رەوشا ئەرێنیا پەیوەندیا ھەرێما کوردستانێ و ھکوومەتا فەدەرال و گوفتوگۆیا چارەسەرکرنا کێشەیێن د ناڤبەرا ھەر دوو ئالیان ده نیشان دا.
نێچیرڤان بارزانی کوردستانێ پەسن و پێزانینێن ھەرێما کوردستانێ ئا ژ بۆ پشتگیریا ئه‌مەریکا ژ بۆ تێکشکاندنا دائیشێ دوپات کر و بەردەوامیا بەشداریا ئه‌مەریکایێ ل پرۆسەیا یەکخستنا پێشمەرگە و چاکسازیا ل وەزارەتا پێشمەرگە ب پێویست زانی.
ل جڤینێ دە کو کۆنسۆلێ گشتی یێ ئه‌مەریکایێ ل ھەرێما کوردستانێ و شاندەکه سەربازی ژی تێدا بەشدار بوون، بەرپرسێ نڤیسینگەھا ھەماھەنگیا ئاساییشا ئه‌مەریکا ل ئیراقێ ژی پەسنا رۆلا پێشمەرگەیان ل شەرێ دژی تەرۆرێ کر و بەردەوامیا پشتگیریا ئه‌مەریکا ژ بۆ پێشمەرگە و ھەرێما کوردستانێ نیشان دا و تەکەز ل سەر رۆلا سەرۆکتیا ھەرێمێ و پشتگیریا ل ھەولێن ھکوومەتا ھەرێما کوردستانێ ئا ژ بۆ یەکخستنا پێشمەرگە و پرۆسەیا چاکسازیا ل وەزارەتا پێشمەرگە کر.
