ل 2 رۆژێن بووری ژنه‌ك و 6 خۆرت هاتنه بدارڤه‌كرن
كۆمارا ئیسلامی ئا ئیرانێ، ئیرۆ ژنه‌كه كورد ئا باژارێ سنه ل زیندانا ناڤه‌ندی بدارڤه‌كر، ئه‌ڤ ژی سزایێ 7انه ل 2 رۆژێن بووری ل ده‌رهه‌قا كوردێن رۆژهلاتا كوردستانێ ده تێ بجیكرن، هه‌موه‌خت ئیسال هه‌ژمارا كوردین كو هاتنه بدارڤه‌كرن ده‌رباسی 33ان دبه.
پێگه‌ها هه‌نگاو ئا تایبه‌ت ب مه‌له‌فا مافێن مرۆڤان ل رۆژهلاتا كوردستانێ زانیاری وه‌شاندن، ده‌ستهلاتدارێن رژێما ئیرانێ ئیرۆ رۆژا پێنجشه‌می 26/9/2019 ژنه‌كه كورد ئا باژارێ سنه ل زیندانا ناڤه‌ندی ئا باژار بدارڤه‌كر، دوهـ رۆژا چارشه‌می 25/9/2019 ب سووچا كوشتنا ب مه‌به‌ست 2 خۆرتێن لورستان و كه‌ره‌جێ، ل زیندانێن وان باژارن بدارڤه‌كرن.
ل رۆژا سێشه‌می 24/9/2019ان ده، ب سووچا تجاره‌ت كرنێ ب مادده‌یا هشبه‌ر، 3 خۆرتێن دن ئێن كورد هاتنه بدارڤه‌كرن، ب هه‌ژماركرنا ته‌ڤ حاله‌تان، كوردێن كو ل 2 رۆژێن بووری ده ئیرانێ بدارڤه‌كرنه، دبه 6 خورت و ژنه‌كه.
هه‌نگاوێ ئه‌شكه‌ره كر، خورتێن سزایێ بدارڤه‌كرنێ ل سه‌ر هاتی بجیكرن، روونشتڤانێن ناڤچه‌یێن دزیێ و مه‌رگه‌ورێ، ئۆرمیێ، لۆرستان و سنه ئێن رۆژهلاتێ كوردستانێ یه.
ل گۆر ئاگه‌هیا هه‌نگاوێ، خۆرتێن كورد كو ل 2 رۆژێن بووری هاتنه بدارڤه‌كرن ئه‌ڤن:
ره‌ئووف هاجی سه‌دیق – دزێ ئا مه‌رگه‌ورێ
ئیبراهیم مهه‌مه‌د پۆر – دزێ ئا مه‌رگه‌ورێ
شه‌هابه‌ددین ئه‌همه‌د پۆر – ئورمیه
سۆلتان فه‌تهی – لۆرستان
موجتەبا سولەیمانی – کەرەج
ناوی ئەلی ئەمیزادە – ئۆرمه
لەیلا زەرئەفشان – سنه
هه‌ر وها ته‌سبیت كر كو ئه‌ڤ خۆرت و ژنا كورد ئێن رۆژهلات، ژ رۆژا سێشه‌می تا ئیرۆ رۆژا پێنجشه‌می هاتنه ب دارڤه‌كرن و هه‌نگاوێ ئاماژه كر، خۆرته‌كێ دنێ كورد كو ل زیندانا ئورمیێ بنچاڤكریه بریار بوو دوهـ وه‌ره بدارڤه‌كرن، لێ به‌لێ ژبه‌ری بجیكرنا سزایان، ژبۆ زیندانا وی جار دن هات ڤه‌گوهاستن.
ئیران د بجیكرنا سزایێ بدارڤه‌كرنێ ده ژ ولاتێن پێشه‌نگه ل جیهانێ، لێ به‌لێ پێتریا كه‌یسێن بدارڤه‌كرنێ ئێن كوردێن رۆژهلات، ب سووچا تجاره‌ت كرنا ب مادده‌یا هشبه‌رێ نه.
هه‌نگاو رێخستنه‌كه رۆژهلاتا كوردستانێ یه، د مه‌له‌فا مافێ مرۆڤان ده ته‌كۆشینێ دكه، مه‌هانه ئامارێن زرارێن كۆلبه‌ران، هه‌ر وها بدارڤه‌كرنا خۆرتێن كوردان ئه‌شكه‌ره دكه، ئامارا وێ ئا هه‌ری داوی ئه‌شكه‌ره كریه، ژ نه‌ورۆزا ئیسال 2019ان، 27 خۆرتێن كوردان ل رۆژهلاتا كوردستانێ ب دارڤه‌كرنه، سووچێن وان گرێدای كوشتن و مادده‌یا هشبه‌رێ بوو.
رێكخستنا هه‌نگاو ته‌سبیت دكه كو هه‌مولاتی ئێن رۆژهلاتا كوردستانێ كو رژێمێ بدارڤه‌كرنه، ژ پارێزگه‌هیێن ئیلام، كرمانشان، سنه و خوراسان و هه‌ر وها لۆرستانێ نه، لێ به‌لێ پێتریا وان ژ پارێزگه‌هیا ئۆرمیێ نه.
