ئۆپه‌راسیۆنا دژی په‌كه‌كێ ل ئه‌لباكێ

ئۆپه‌راسیۆنا دژی په‌كه‌كێ ل ئه‌لباكێ

ئارته‌شا تركیێ و هێزێن جه‌ندرمه‌یان ئیرۆ رۆژا پێنجشه‌می، ئۆپه‌راسیۆن ل ئه‌لباكا ناڤچه‌یا وانێ پێكئانین، زرار ل ستارگه‌هێن په‌كه‌كێ خستن.

پارێزگه‌هیا وانێ ئا باكوورێ كوردستانێ د به‌یانه‌كه‌ نڤیسكی ده‌ ئه‌شكه‌ره‌ كر، ئیرۆ ئارته‌شا تركیێ و هێزێن جه‌ندرمه‌یان ئۆپه‌راسیۆن دژی پارتا كاركه‌رێن كوردستانێ په‌كه‌كێ، ل ناڤچه‌یا ئه‌لباكێ ئا گرێدای وانێ پێكئانین و زرار ب په‌كه‌كێ كه‌تنه‌.

ل ئۆپەراسیۆنا دژی په‌كه‌كێ ده‌،  جه‌ندرمه‌یان ئالاڤێن ژیانێ ئێن گه‌ریلایان بدەستخستن، هه‌ر وها هه‌ژماره‌كه‌ ستارگەهێن وان هاتن ئیمهه‌ كرن.

ئارته‌شا تركیێ ل رۆژێن داوی هه‌ره‌كه‌تێن خوه‌ ئین دژی په‌كه‌كێ ل باكوورێ كوردستانێ و ناڤچه‌یێن باشوورێ كوردستانێ دژوار كرنه‌، وه‌زاره‌تا پاراستنا نه‌ته‌وه‌ئی ئا تركیێ به‌هسا زرارێن جانی ئێن گه‌ریلا كرنه‌ كو پێتر 20 گه‌ریلا ته‌نێ ل ڤێ هه‌فتیێ ل ناڤچه‌یا جودا جودا به‌رته‌ره‌ف بوونه‌.

دوهـ ژی ل ناڤچه‌یا كانێ مازێ ئا باشوورێ كوردستانێ، باله‌فرێن جه‌نگی ئێن تركیێ ئه‌ره‌به‌یه‌كه‌  گه‌ریلایان بۆردۆمان كر، ته‌ڤ گه‌ریلا ئێن كو تێده‌ بوون، هاتنه‌ كوشتن، لێ به‌لێ هه‌مولاتیه‌كه‌ باشوور شه‌هید كه‌ت.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg