لیستا كوردستانی ل كه‌ركووكێ تێ ئاڤاكرن

لیستا كوردستانی ل كه‌ركووكێ تێ ئاڤاكرن

پارتێن كوردستانێ بریارا خوه‌ دان كو ب هه‌ڤبه‌شی ته‌ڤلی هلبژارتنا ئه‌نجوومه‌نێن پارێزگه‌هیێ ئێن باژارێ كه‌ركووكێ ببن و ژبۆ ڤێ، وان كۆمیته‌كه‌ هه‌ڤبش و لیستا كوردستانی ئاڤاكرن‌.

پۆلیتبیرۆ ئێن پارتا ده‌مۆكرات ئا كوردستانێ (پدكێ) و یه‌كیتیا نشتیمانی ئا كوردستانێ (ینكێ)، ئیرۆ ل هه‌ولێرا پایته‌ختا هه‌رێما باشوورێ كوردستانێ، دگه‌ل پارت و ئالیێن سیاسی ئێن پارێزگه‌هیا كه‌ركووكێ جڤیان، ئه‌ڤ جڤین وه‌كه‌ حازریا هلبژارتنا ئه‌نجوومه‌نا پارێزگه‌هیێ یه‌ كو تێ چاڤه‌رێكرن ل نیسانا سالا 2020ان وه‌ره‌ ئه‌نجامدایین.

جڤینا ئیرۆ ل باره‌گه‌ها كۆمیتا سه‌كردایه‌تیا (پدكێ) برێڤه‌چوو، ته‌ڤی ئالیێن كوردستانی ئێن ل كه‌ركووكێ خه‌باتێ دكن به‌شدار بوون، ئاڤاكرنا لیستا هه‌ڤبش و كۆمیتا كار ئا ژ بۆ هازریا هلبژارتنا ئه‌نجوومه‌نا پارێزگه‌هیێ، بابه‌تا نیقاشێ بوو، پشتره‌ ئالیێن د جڤینێ ده‌، ئاڤاكرنا لیستا هه‌ڤبه‌ش كو ل جڤینا به‌رێ بریارا وێ ده‌رخستبوو، ناڤێ لیستا كوردستانی لێ كرن.

ته‌ڤ پارتێن باشوورێ كوردستانێ كو ل كه‌ركووكێ ده‌ خه‌باتا وان هه‌یه‌، ته‌ڤلی لیستا كوردستانی ئا كه‌ركووكێ بوون، لێ به‌لێ ته‌ڤگه‌را ب ناڤێ نه‌وه‌ی نوێ ئا شاسوار ئه‌بدولواهد سه‌رۆكتیا وێ دكه‌، ره‌ت كر كو به‌شدار ببه‌.

ئه‌ڤ جڤینا وه‌فدێن (پدكێ) و (ینكێ) لدۆر هلبژارتنا پارێزگه‌هیان ل كه‌ركووكێ ئا دویه‌مینه‌، ل رۆژا پێنجشه‌می 26/9/2019ان جڤینا یه‌كه‌مین هاتبوو ل دارخستن و تێده‌ بریارا جڤینا ئیرۆ هاتبوو دایین.

رایه‌دارێن پارتێن (پدكێ) و (ینكێ) ئه‌شكه‌ره‌ كربوون كو د نیقاشێ ده‌، هه‌نگاڤێن باش هاتنه‌ ب ده‌ست خستن، بابه‌تا سه‌ره‌كه‌ ئا به‌شداریێ د هلبژارتنێ ده‌ ب لیسته‌كه‌ هه‌ڤبه‌ش ب ده‌ستكه‌فته‌كه‌ مه‌زن تێ هه‌ساب كرن.

پارتا ده‌مۆكرات ئا كوردستانێ به‌ریا نها پرۆسه‌یا سیاسی ل كه‌ركووكێ بایكۆت كربوو، (پدكێ) دخوه‌ست ره‌وشا كه‌ركووكێ ژبۆ به‌ری 16 ئۆكتۆبه‌را 2017ان وه‌ره‌ ڤه‌گه‌راندن، پشتره‌ ئه‌وێ ته‌ڤلی پرۆسێ ببه‌.

پوستێن ھەمان بەش

گولان گارزان ئەو ژنا ب نهێنیێن خوە ڤە ھاتە بن ئاخکرن

گولان گارزان ئەو ژنا ب نهێنیێن خوە ڤە ھاتە بن ئاخکرن