تۆپخانێن توركیا چيایێ کورەژار ب سه‌ختی بۆرودۆمان دكه‌ت

تۆپخانێن توركیا چيایێ کورەژار ب سه‌ختی بۆرودۆمان دكه‌ت

تۆپخانێن سپایێ توركیا ئیرۆ رۆژا پێنجشه‌مب چیایێ كوره‌ژار ئه‌وێ دكه‌ڤیته‌ هنداڤا ناحیا شێلادزێ ب سه‌ختی بۆردۆمان كر، زیانێن په‌كه‌كێ ژی هێژ نه‌خوه‌یانه‌.

ل گور هنه‌ك چاڤكانیێن داركا مازیێ، ئیرۆ رۆژا پێنجشه‌مب 3/10/2019 ل ده‌مژمێر 1:00 پشتی نیڤرۆ، تۆپخانێن سپایێ توركیا ناڤه‌ندێن پارتا كاركه‌رێن كوردستانێ ل چیایێ كوره‌ژاری یێ هنداڤا ناحیا شێلادزێ ب سه‌ختی بۆردۆمان كر.

بۆردۆمانا تۆپخانێن سپایێ توركیا بۆ ده‌ما 15 خۆله‌كان به‌رده‌وامبوو ، لێ هێژ زیانا بۆردۆمانێ كو گهانه‌ په‌كه‌كێ نه‌خوه‌یانه‌.

وه‌زاره‌تا پاراستنا نه‌ته‌وه‌یی یا توركیا چ ئاگاهی ل دۆر بۆردۆمانا ئیرۆ نه‌دانه‌، لێ ته‌نێ دایه‌ زانین كو ئۆپه‌راسیۆنا وان ل دژی په‌كه‌كێ دێ ل ناڤ و ده‌رڤه‌یا توركیێ به‌رده‌وام بیت.