ل شرنه‌خێ 14 گومانبارێن په‌كه‌كێ تێن گرتن

ل شرنه‌خێ 14 گومانبارێن په‌كه‌كێ تێن گرتن

ئیرۆ 14 گومانبارێن پارتا كاركه‌رێن كوردستانێ په‌كه‌كێ ل ناڤه‌ندا باژارێ شرنه‌خێ یێ باكوورێ كوردستانێ كه‌تن ده‌ست هێزێن ئه‌وله‌هیێ.

مه‌دیا تركیێ ژ هنه‌ك چاڤكانیێن ئه‌وله‌هیێ یێن پارێزگه‌ها شرنه‌خێ ڤه‌گوهاستنه‌، ئیرۆ رۆژا شه‌مبی تیمێن ئاسایشێ و دژه‌ ته‌رۆرێ ئۆپه‌راسیۆن ل ناڤه‌ندا باژار كرن، وان 14 گومانبارێن په‌كه‌كێ بنچاڤكرن.

پارێزگه‌هیا شرنه‌خێ ئه‌شكه‌ره‌ كریه‌، وان گومانبارێن كو هاتنه‌ بنچاڤكرن، پرۆباگنده‌ ژ بۆ پارتا كاركه‌رێن كوردستانێ ل تۆرێن كۆمه‌لاتیێ كرنه‌، ئه‌و ژ بۆ له‌كۆلین و لێپرسینان ژ بۆ ناڤه‌ندا ئاسایشا شرنه‌خێ هاتن ڤه‌گوهاستن.

چاڤكانیان ئه‌شكه‌ره‌ كرنه‌ كو د ئۆپه‌راسیۆنا بنچاڤكرنێ ده‌، تفه‌نگ و چه‌كێن سڤك و چاپه‌مه‌نی یێن قه‌ده‌غه‌ كری، ده‌ست ب سه‌ردا هاته‌ گرتن.