جه‌ندرمان فه‌رمانداره‌كه‌ ژن یا په‌كه‌كێ ل دێرسمێ كوشت

جه‌ندرمان فه‌رمانداره‌كه‌ ژن یا په‌كه‌كێ ل دێرسمێ كوشت

تركیێ خه‌لات ژ بۆ ئه‌شكه‌ره‌ كرنا جیێ چیچه‌ك كاپلانێ و دلگه‌ش ده‌ستنیشانكربوو

ئارته‌شا تركیێ ئۆپه‌راسیۆنا به‌ژاهیێ ل سینۆرێ دێرسمێ دژی پارتا كاركه‌رێن كوردستانێ كر و هه‌ژماره‌كا چه‌كدارێن په‌كه‌كی تێده‌ به‌رته‌ره‌ف كرن، لێ به‌لێ 2  ژ وان چه‌كداران ژ بۆ تركیێ گه‌له‌ك گرینگ بوون.

ل گور به‌یانه‌كه‌ نڤیسكی یا وه‌زاره‌تا ناڤخوه‌ یا تركیێ، د ئۆپه‌راسیۆنا دێرسمێ ده‌ كو ئیرۆ رۆژا شه‌مبی 5/10/2019 فه‌رماندارێتیا جه‌ندرمان دژی په‌كه‌كێ كربوو، 2 چه‌كدارێن په‌كه‌كێ ئێن د لیستا سۆر و یا گه‌ور یا داخوازكریێن ده‌وله‌تێ ده،‌ هاتنه‌ كوشتن.

هه‌ر یه‌ك ژ (ئایتن ئێنه‌‌) كو د لیستا سۆر ده‌یه‌، هه‌ر وها (مه‌هدی كاپلان) د لیستا گه‌ور ده‌یه‌، ئه‌و 2 چه‌كدارێن په‌كه‌كێ نه‌ كو ل دێرسمی هاتنه‌ كوشتن، وه‌زاره‌تا ناڤخوه‌ یا تركیێ دیمه‌نێن وان ژی وه‌شاندنه‌.

هه‌ر وها ئه‌شكه‌ره‌ كر، ئۆپه‌راسیۆنا بوویه‌ سه‌ده‌ما كوشتنا (كاپلان و ئێنه)‌ ب ئالیكاریا سازیا هه‌والگیریا ده‌وله‌تێ (میت) ێ هاتبوو پێكئانین.

پشتره‌ و ده‌ما له‌كۆلین هاتیه‌ كرن، ئه‌شكه‌ره‌ بوو كو چه‌كدارێن هاتنه‌ به‌رته‌ره‌ف كرن ب ناڤێ (ئایته‌ن ئێنه)‌ كو ناڤێ وێ یێ نهێنی (چیچه‌ك كورتالان)‌ و به‌رپرسا مه‌یدانی یا دێرسمێ بوو و ناڤێ وێ ل جه‌م تركیێ د لیستا سۆر ده‌یه‌ و 4 ملیۆن لیره‌ وه‌كه‌ خه‌لاتا ئه‌شكه‌ره‌ كرنا جیێ وێ هاتبوون ده‌ستنیشان كرن.

هه‌ر وها چه‌كدارێ دویه‌مین ب ناڤێ (مه‌هدی كاپلان) و ناڤێ نهێنی (دلگه‌ش) بوو، د لیستا گه‌ور ده‌ بوو و 300 هزار لیره‌ ژبۆ ئه‌شكه‌ره‌ كرنا جیێ وی هاتبوو ده‌ستنیشان كرن.

جه‌ندرمان فه‌رمانداره‌كه‌ ژن یا په‌كه‌كێ ل دێرسمێ كوشت