بارزانی: ژ بۆ كو رۆژئاڤا نه‌هامه‌تیێ نه‌بینه‌ هه‌ولێن مه‌ هه‌نه‌

بارزانی: ژ بۆ كو رۆژئاڤا نه‌هامه‌تیێ نه‌بینه‌ هه‌ولێن مه‌ هه‌نه‌

سه‌رۆكێ پارتا ده‌مۆكراتا كوردستانێ ئیرۆ د په‌یامه‌كێ ده‌ ئه‌شكه‌ره‌ كر، ئه‌و وێ هه‌موو هه‌وله‌كێ بده‌ ژ بۆ كو گه‌لێ رۆژئاڤا كوردستانێ جاره‌كه‌ دن سته‌م و نه‌هامه‌تیێ نه‌بینه‌.

مه‌سعوود بارزانی، سه‌رۆكێ پارتا ده‌مۆكرات ئا كوردستانێ، ئیرۆ رۆژا سێشه‌می 8/10/2019 په‌یامه‌ك ل هه‌سابا خوه‌ ئا تویته‌رێ وه‌شاند و تێده‌ وها نڤیساندیه‌: ئه‌مێ هه‌موو هه‌وله‌كێ بدن كو گه‌لێ مه‌ ل رۆژئاڤا كوردستانێ جاره‌كه‌ دن سته‌م و نه‌هامه‌تیێ نه‌بینیت.

بارزانی هه‌ر ل وێ ده‌ربارێ ده‌ دبێژه‌: ئه‌م ژ پێشهاتێن هه‌ری داوی ئێن رۆژئاڤا كوردستانێ دلگرانن، ژ بۆ كو ره‌وش ئارام ببه‌، ئه‌م د په‌یوه‌ندیێن به‌رده‌وام ده‌نه.

سه‌رۆكێ پارتا ده‌مۆكرات ئا كوردستانێ د جڤینا خوه‌ ئا دوهـ رۆژا دوشه‌می ده‌ ل گه‌ل سه‌رگی لاڤرۆڤ وه‌زیرێ كارێن ده‌رڤه‌ ئێ رووسیا فه‌ده‌رال كو سه‌ردانا هه‌ولێرێ كربوو، مه‌له‌فا رۆژئاڤا ب لاڤرۆڤ ره‌ نیقاش كر و خوه‌ست رۆلا رووسیێ ژ بۆ رێگرتنێ ل ئالۆزبوونا ره‌وشێ ل رۆژئاڤا كوردستانێ هه‌به‌.

بارزانی: ژ بۆ كو رۆژئاڤا نه‌هامه‌تیێ نه‌بینه‌ هه‌ولێن مه‌ هه‌نه‌