شێوه‌رمه‌ندێ رێڤه‌بەریا خوه‌سه‌ر ئا باكوورێ رۆژهلاتا سووریێ ئه‌شكه‌ره كر، دبه كو نیقاشا وان ب رژیما سووریێ ره ده‌ست پێ بكه.
شێوەرمه‌ندێ رێڤه‌بەریا خوه‌سه‌ر ئا باكوورێ رۆژهلاتا سووریێ به‌دران چیا ئیرۆ داخویانی د ده‌ربارا پێشهاتێن ناڤچه‌یێ دان و وها ئاخڤی: نه‌دووره رێڤه‌بەریا خوه‌سه‌ر، نیقاشێ ب دیمه‌شقێ و سووریێ ره ده‌ست پێ بكه، ژ بۆ كو تو ڤالاتیه‌ك پشتی ڤه‌كشاندنا له‌شكرێن ئه‌مه‌ریكی، نه ده‌ركه‌ڤه هۆلێ.
به‌دران چیا دبێژه: گه‌ر ئه‌مه‌ریكا ناڤچه‌یا باكوورێ رۆژهلاتا سووریێ ڤالا بكه، تایبه‌ت ناڤچه‌یێن سینۆر، رێڤه‌بەريا خوه‌سه‌ر، وێ هه‌موو رێیه‌كێ ژبۆ پر كرنا وێ ڤالاتیێ نیقاش بكه.
شێوەره‌مه‌ندێ رێڤه‌به‌ریا خوه‌سه‌ر و به‌رپرس د ناڤا هێزێن سووریا ئا ده‌مۆكراتیك هه‌سه‌دێ ده، ئه‌شكه‌ره دكه، نیقاشا وان ب دیمه‌شقێ و مۆسكۆیێ ره، وێ نه ته‌نێ ژ بۆ جهگرتنا له‌شكرێن ئه‌مه‌ریكایێ به ل باكوورێ رۆژهلاتا سووریێ، لێ وێ نیقاشا به‌رسینگرتنا هه‌ر ئێریشه‌كه تركیێ ژی به ل سه‌ر ناڤچه‌یێ.
هێزێن سووریا ده‌مۆكراتیك، دوهـ بریارا ڤه‌كشاندنا هێزێن ئه‌مه‌ریكایێ ژ باكوورێ سووریێ ب ئیخانه‌تا ل گه‌لێ كورد بناڤكر و ئه‌شكه‌ره كر، ئه‌و وێ بێ فكر به‌ره‌ڤانیێ ژ هه‌ر ئێریشه‌كه تركیێ ژ خوه بكن.
