هكوومه‌تا كوردستانێ لدۆر باكوورێ سووریێ په‌یام وه‌شاند
هكوومه‌تا هه‌رێما باشوورێ كوردستانێ، هه‌لوه‌ستا خوه ئا فه‌رمی ل دۆر پێشهاتێن باكوورێ رۆژهلاتا سووریێ راگهاند و دلگرانی ئا خوه ئا هه‌ری زێده ژ بریارا ڤه‌كشاندنا له‌شكرێن ئه‌مه‌ریكی ژ وێ ناڤچه‌یێ دیار كر، ئه‌ڤ ژی ته‌كستا وێ په‌یامێ یه:
په‌یاما هكوومه‌تا هه‌رێما كوردستانێ
هكوومه‌تا هه‌رێما كوردستانێ دلگرانی ئا خوه ئا هه‌ری زێده ل به‌رانبه‌ر بریارا ڤه‌كشاندنا هێزێن ویلایه‌تێن یه‌كبوویی ئێن ئه‌مه‌ریكایێ ژ هه‌رێما ئارام ئا باكوورێ رۆژهلاتا سووریێ نیشان د ده، هه‌موه‌خت وان راپۆرێن به‌هسا ئه‌گه‌رێن ئێریشا ته‌كئالی ئا تركیێ ل وێ ناڤچه‌یێ دكن.
هكوومه‌تا هه‌رێما كوردستانێ ژ تركیێ دخوازه وه‌كه ئه‌ندامه‌كه هه‌ڤپه‌یمانێتیا ناڤنه‌ته‌وه‌ئی ل شه‌رێ دژی ته‌رۆرێ، چ هه‌نگاڤان نه‌هاڤێژه كو كاریگه‌ریه‌كه نه‌رێنی بكه سه‌ر ده‌ركه‌تنا چه‌كدارێن ته‌رۆریستێن ده‌سته‌سه‌ر كری.
ده‌رئه‌نجاما هه‌ر ئالۆزی و پێشهاته‌كه له‌شكری، وێ كاریگه‌ریا خوه ل ده‌رڤه‌ی سینۆرێن سووریێ ژی هه‌به، نه‌دووره ره‌وشه‌ك ده‌ركه‌ڤه هۆلێ كو ببه سه‌ده‌ما ڤه‌گه‌رینا دائیشێ و ئاواره‌بوونا هه‌ژماره‌كه زۆر ئا گه‌ل. له‌وما گه‌له‌ك پێویسته هه‌ر ئالی ب هێزێن كوردی ڤه، ب رێیا دیالۆگێ ره‌وشێ ئارام بكن.
هكوومه‌تا هه‌رێما كوردستانێ ته‌كه‌زیێ دكه كو پێویسته پرسگرێكان چارسه‌ره‌یه‌كه گشتی ژبۆ وه‌ره دیتن، ب ئاوایه‌كی كو مافێن هه‌موو هه‌مولاتیێن سووریێ ب گه‌لێ كورد ڤه تێده پاراستی بن.
هه‌رێما كوردستانێ ل شه‌رێ دژی ته‌رۆرێ و دائیشێ ده، قوربانی ئێن مه‌زن دانه و نها ژی مێهڤانداری ئا 1.1 ملیۆن ئاواره و په‌نابه‌ران دكه كو پرانی ئا وان د ده‌ستپیكا قه‌یرانێ ده، په‌نا ژ بۆ هه‌رێما كوردستانێ ئینانه. ئه‌ركێ جڤاكا ناڤنه‌ته‌وه‌ئی رێ نه‌ده پێله‌كه دن ئا ئاواره بوونێ چێببه.
هكوومه‌تا هه‌رێما كوردستانێ د وه‌خته‌كێ ده ژ نێزیك چاڤدێری ئا ره‌وشێ د دۆمینه، هه‌ر وها ب رێیا چه‌ندین كه‌نالان كار ل سه‌ر پرسێ دكه.
هكوومه‌تا هه‌رێما كوردستانێ
8/10/2019
