ئارته‌شا ترك گوندێن سه‌رێ كانیێ، گرێ سپی و قامشلۆ ئامانج كرن
ئێریشا داگیركاری ئا تركیێ ل سه‌ر رۆژئاڤا كوردستانێ ئێڤارا ئیرۆ ده‌ستپێكر، ئارته‌شا ترك گوندێ سه‌رێ كانیێ بۆردۆمان كرن.
ئێڤارا ئیرۆ رۆژا چارشه‌می 9/10/2019 ئارته‌شا تركیێ و باله‌فرێن وێ ئێن جه‌نگی د ده‌ستپێكا ئێریشا داگیركاریا سه‌ر رۆژئاڤا كوردستانێ ده، ناڤچه‌یێن رۆژئاڤا باژاركێ سه‌رێ كانیێ ل هه‌رێما جزیرێ ئامانج كرن.
دیمه‌نێن وێ بۆردۆمانێ ل گوندێ مشرافه و هه‌ر وها سه‌فین ئێن رۆژئاڤا سه‌رێ كانیێ دۆكه‌لا بۆرۆدمانا تركیێ ب زه‌لالی پێشاند دده.
باله‌فرێن جه‌نگی ئێن ئارته‌شا ترك پشتره هه‌ر یه‌ك ژ گوندێن سه‌فح ل سینۆرێ سه‌رێ كانیێ، هه‌ر وها ناڤچه‌یێن گرێ سپیێ و ده‌رباسیێ، هه‌ر وها گوندێ سێ گركا ئێ گونده‌وارێ قامشلۆیێ، بۆردۆمان كرنه.
