ئامارا زرارێن جانی ئێن ئێریشا داگیركاری ئا تركیێ ل سه‌ر رۆژئاڤا كوردستانێ ئه‌شكه‌ره بوو كو 9 سڤیلان جانێ خوه ژ ده‌ستدا و ده‌هان بریندار كه‌تنه.
ناڤه‌ندا مه‌دیا هێزێن سووریایا ده‌مۆكراتیك هه‌سه‌ده د به‌یانه‌كه نڤیسكی ده كو ل پێگه‌هێن خوه وه‌شاندنه دبێژه: “د ئێریشا داگیركاری ئا تركیێ ده ل سه‌ر رۆژئاڤا كوردستانێ، 5 هه‌مولاتیان جانێ خوه ژده‌ستدانه و ب ده‌هان بریندار كه‌تنه”.
چاڤكانی ئه‌شكه‌ره دكن كو 4 سڤیلێن دن جانێ خوه ووندا كرن، پشتی كو ب سه‌ختی بریندار كه‌تین كو 2 ژوان ژن و مێرن، زارۆیێ وان ئێ ساڤا ژی بریندار كه‌تیه.
هه‌ر وها ژ ئه‌نجاما بۆردۆمانا تركیێ ل سه‌ر ناڤه‌ندێن هه‌سه‌دێ، 3 شه‌رڤانان جانێ خوه ژده‌ستدا.
تركیێ ئێڤارا ئیرۆ چارشه‌می 9/10/2019 ئێریشا سه‌ر رۆژئاڤا كوردستانێ ده‌ستپێكر، باله‌فرێن جه‌نگی و هێزێن به‌ژاهیێ گوندێن سه‌رێ كانیێ، گرێ سپیێ، درباسیێ، قامیشلۆ و عامۆدێ، هه‌ر وها گونده‌وارێ شه‌رایێ و چه‌ندین ناڤچێن دن ئێن رۆژئاڤا كوردستانێ ئامانج كرن.
