ئه‌نجاما سیاسه‌تا شاش ئا په‌یه‌دێ ئێریشا سه‌ر رۆژئاڤا كوردستانێ بوو
ئیرۆ رۆژا دویه‌مین ئا ئێریشا داگیركاری ئا تركیێ یه ل سه‌ر رۆژئاڤا كوردستانێ، ئه‌ڤ ئێریشا كو ب سه‌ده‌ما سیاسه‌تا شاش ئا پارتیا یه‌كیتیا ده‌مۆكراتیك په‌یه‌دێ و بالێ وێ ئێ له‌شكری یه‌په‌گێ ل سه‌ر هاتیه سه‌پاندن.
داركا مازیێ هنه‌ك زانیاریێن هه‌ری تایبه‌ت ژ چاڤکانیێن خوه ئێن رۆژئاڤا كوردستانێ وه‌رگرتنه و ئه‌شكه‌ره بوو كو په‌یه‌دێ و بالێ وێ ئێ له‌شكری یه‌په‌گه، دخوازه زرارا هه‌ری زێده بگه‌هه خه‌لكێ سڤیل، ژ بۆ كو ئه‌و بكاربه ب وێ یه‌كێ رایا گشتی ئاڤابكه، تایبه‌ت ل قادا ناڤنه‌ته‌وئی.
یه‌په‌گێ زالگه‌هـ دانانه و رێناده یه‌ك ئاواره ده‌رباسی باشوور ببه
چاڤكانیێن تایبه‌ت ئێن داركا مازیێ ئه‌شكه‌ره كرنه كو شه‌رڤانێن یه‌په‌گێ زالگه‌هـ ل ده‌ردوورێن باژار و گوندان بجیكرنه ژبۆ كو خه‌لكێ سڤیل نكاربه رێیه‌كێ ژ خوه ره ببینه و رزگار نه‌به، هه‌موه‌خت سه‌ركرداتیا په‌یه‌دێ فه‌رمان ل یه‌كنیه‌یێن خوه ئێن یه‌په‌گێ كرنه كو ب تو ئاوایه‌كی رێ نه‌دن گه‌لێ رۆژئاڤا د ده‌ریێ سێمالكا ره ده‌رباسی باشوورێ كوردستانێ ببن.
هه‌ر وها چاڤكانی ئێن داركا مازیێ ئه‌شكه‌ره كرنه كو یه‌په‌گێ فه‌رمان ل پانزینخانه‌یان كرنه كو په‌نزینێ و مازۆتێ زێده نه‌دن هه‌مولاتی ئێن رۆژئاڤا ژبۆ كو كارینا ره‌ڤینێ و خوه رزگاركرنێ نه‌به.
په‌كه‌كێ فه‌رمان ل یه‌په‌گێ كر ل ناڤچه‌یێن بێ شه‌ر ئیستفزازا تركیێ بكن
داركا مازیێ ژ چاڤكانی ئێن خوه ئێن رۆژئاڤا ته‌سبیت كر كو یه‌په‌گه و شه‌رڤانێن هه‌سه‌دێ ل هه‌موو وان گوند و باژاركێن كو شه‌ر هینا نها ده‌رباس نه‌بوویه تێده وه‌كه، (دێركێ، گرێ سپیێ، دێربێسیێ، تربه‌سپیێ و قامشلۆیێ)، هه‌ری زێده ئیستفزازا تركیێ بكن، ب رێیا ته‌قه‌كرن، یه‌په‌گێ ئه‌ڤ ته‌ئلیمان و فه‌رمان راست راست ژ قه‌ندیلێ و په‌كه‌كێ وه‌رگرتنه.
ئامانجا په‌كه‌كێ ژ ئه‌ڤێ هه‌نگاڤی، زێده‌كرنا زرارا ب خه‌لكێ سڤیله ژبۆ كو ب ده‌رفه‌ت ببینه رایا گشتی ل ناڤه‌ندێن ناڤنه‌ته‌وئی پێ ئاڤا بكه ، ئانكو په‌كه‌كه دخوازه ره‌وشێ وها نیشا گه‌ل و جیهانێ بده كو گه‌ل زرار به‌ركه‌تی ئێن ئێكێ ئێن ئێریشا سه‌ر رۆژئاڤا نه و وێ راستیێ په‌رده‌پۆشی بكه كو ئه‌ڤ ئێریشا رۆژئاڤا راستی وێ بووی، ژ سه‌ده‌ما سیاسه‌تا وێ ئا شاشه.
