ژ ده‌ستپێكا ئێریشا داگیركاری 30 سڤیل شه‌هید كه‌تنه‌

ژ ده‌ستپێكا ئێریشا داگیركاری 30 سڤیل شه‌هید كه‌تنه‌

ژ ده‌ستپێكا ئێریشا داگیركاری ئا تركیێ ل سه‌ر رۆژئاڤا كوردستانێ، 30 هه‌مولاتی ئێن سڤیل شه‌هید كه‌تنه‌.

نه‌رینگه‌ها سووریێ ئا مافێن مرۆڤان، ئیرۆ رۆژا شه‌می 12/10/2019 ئاماره‌كه‌ نوو ئا زرارێن جانی ئێن خه‌لكێ سڤیل، پشتی ده‌ستپێبوونا ئێریشا داگیركاری كو تركیێ ناڤێ كانیا ئاشێتیێ لێ كرنه‌، 30 كه‌سێن سڤیل شه‌هید كه‌تنه‌.

هه‌ر وها ئه‌شكه‌ره‌ كر، ئه‌ڤ 30 سڤیل ژ ئه‌نجاما ئێریشێن باله‌فرێن جه‌نگی ئێن تركیێ، تۆپخانێن ئارته‌شا ئازاد و میلیشیایێن ئۆپۆزسیۆنا سووریێ و هه‌موه‌خت ته‌قه‌یا راسته‌ راست ئا ئه‌سكه‌رێن تركان شه‌هید كه‌تنه‌.

شه‌هیدێن رۆژئاڤا كوردستانێ ئێن ڤان ناڤچه‌یان بوونه‌:

  • زارۆیه‌ك، ژنه‌ك، دو كاله‌ مێر ل تاخێن قه‌درو به‌گ و زه‌یتوونه‌ ل قامشلۆیێ – مۆشه‌ك ب مالێن وان كه‌تبوون.

  • 4 شه‌هید ئێن گوندێ باجیێ ئێ گرێ سپیێ نه‌ – ب ئێریشا باله‌فران

  • 4 شه‌هید ئێن گونده‌وارێ سه‌رێ كانیێ نه‌ – ئێریشا تۆپبارانان

  • 3 شه‌هید ل سه‌ر رێیا گرێ سپیێ یه‌ك ژ وان به‌رپرسیاره‌كه‌ حزبی یه‌ – ب ته‌قه‌یا راسته‌ راست ئا ئه‌سكه‌رێن تركیێ

  • 3 شه‌هید ل گرێ سپیێ – نیشان شكێنێن تركیێ ئامانج كرنه‌

  • 3 شه‌هید كو 2 ژ وان كارمه‌ندێن رێڤه‌به‌ریا خوه‌سه‌رن  ل گوندێ موته‌گله‌گ ل گونده‌وارێ گرێ سپیێ ب ته‌قه‌یا راسته‌ راست

  • زارۆیه‌كه‌ كه‌چ ل گونده‌وارێ تربه‌سپیێ – تۆپبارانان شه‌هید كریه‌

  • زلامه‌ك ل گونده‌وارێ گرێ سپیێ – ب تۆپبارانان شه‌هید كه‌ت

  • زه‌لامه‌ك ل سه‌رێ كانیێ – ب تۆپبارانان شه‌هید كه‌ت

  • زه‌لامه‌ك ل دربێسیێ – ب نیشان شكێنێن ئارته‌شا تركیێ

  • كه‌چه‌ك ل سه‌ر ێیا قامشلۆیێ – نیشانگرێن تركیێ ئه‌و كه‌چ شه‌هید كرنه‌