ئه‌میندارا پارتا ئاینده‌ د رێیا قامشلۆیێ ده‌ تێ ته‌رۆر كرن

ئه‌میندارا پارتا ئاینه‌ده‌ د رێیا قامشلۆیێ ده‌ تێ ته‌رۆر كرن

ئه‌میندارا گشتی ئا پارتا ئاینده‌ ئا سووریێ، هه‌ڤرین خه‌له‌ف، د بۆسه‌یه‌كه‌ ته‌رۆریستێن دائیشێ ده‌ ل سه‌ر رێیا سه‌ره‌كه‌ ئا قامشلۆیێ هات ته‌رۆر كرن.

هات راگهاندن كو دوهـ رۆژا ئه‌ینی 11/10/2019ان، هه‌ڤرین خه‌له‌ف ئه‌میندارا پارتا ئاینده‌ ئا سووریێ كه‌ته‌ بۆسه‌یه‌كا ته‌رۆریستێن دائیشێ ل سه‌ر رێیا ناڤده‌وله‌تی ئا باژارێ قامشلۆیێ ل رۆژئاڤا كوردستانێ و هات ته‌رۆر كرن.

مه‌دیا هێزێن سووریایا ده‌مۆكراتیك ئیرۆ نووچه‌یا شه‌هید كرنا هه‌ڤرینێ وه‌شاندنه‌ و پشتراست كرنه‌ كو ئه‌و ژ ئالێ ته‌رۆریستێن دائیشێ ڤه‌ ل سه‌ر رێیا قامشلۆ و ره‌قایێ هاتیه‌ ته‌رۆر كرن.

هه‌ر وها ئه‌شكه‌ره‌ كرنه‌ كو هه‌ڤرین ل وه‌ختا كو نیازا وێ هه‌بوو وه‌ره‌ باژارێ قامشلۆیێ، بۆمبه‌كه‌ چاندی ئا دائیشێ ب ئه‌ره‌به‌یا وێ ده‌ ته‌قیایه‌ و جانی خوه‌ وندا كریه‌.

هه‌ڤرین ل سالا 1983ان ده‌ هاتیه‌ دنیایێ ل باژارێ دێركێ ئێ رۆژئاڤا كوردستانێ، دییا وێ سعاد خان پێگه‌هه‌كا هه‌ری دیار هه‌بوو و چه‌ندین جاران هه‌ڤدیتنێن وێ ب سه‌رۆكێ زیندانكری ئێ په‌كه‌كێ ئه‌بدوللا ئۆجالان ره‌ هه‌بوونه‌.

ژ ده‌ستپێبوونا شۆرشا گه‌لێ رۆژئاڤا ل 19 تیرمه‌ها سالا 2012ان، هه‌ڤرینێ به‌شداری ئا وێ د شۆرشێ ده‌ هه‌بوو، وه‌كه‌ چالاكڤانه‌ك‌ ژبۆ هۆشیاره‌كرنا گه‌نجێن رۆژئاڤا، پشتره‌ وه‌كه‌ چالاكڤانه‌كه‌ جڤاكا سڤیل ده‌ركه‌ت هۆلێ، هه‌موه‌خت و پشتی به‌رنیاسبوونا وێ، بوو برێڤه‌برا مه‌جلسا ئابووری ئا قامشلۆیێ.

پشتره‌ و ل 21 كانوونا دویه‌مین ئا سالا 2014ان و راگهاندنا رێڤه‌به‌ریا خوه‌سه‌ر، هه‌ڤرین خه‌له‌ف وه‌كه‌ جهگرا برێڤه‌برێ ده‌سته‌یا ئه‌نه‌رژیێ ل هه‌رێما جزیرێ ته‌كۆشینا خوه‌ به‌رده‌وام كر، پشتره‌ و ل سالا2018ان ده‌ست ب خه‌باتا سیاسی كر و دگه‌ل هه‌ژماره‌كا كه‌ساتیێن سووریێ ژ كورد، ئه‌ره‌ب سریانی پارتا ئاینه‌ده‌ ئاڤاكر و د یه‌كه‌مین كۆنگره‌ ده‌، وه‌كه‌ ئه‌میندارا وێ پارتێ هات ده‌ستنیشان كرن.