سه‌رۆكێ پارتا ده‌مۆكرات ئا كوردستانی ئیرۆ په‌یامه‌ك ژ بۆ رایا گشتی به‌لاڤ كر و تێده ئێریشا سه‌ر رۆژئاڤا كوردستانێ ب خه‌ته‌ر ناڤ كریه و دبێژه: “ل ڤێ ره‌وشا خه‌ته‌ر، وه‌خت نه وه‌ختا موزایه‌دێن بێفه‌یده‌یه، دڤێ هه‌موو هه‌ولێن مه ژ بۆ ب داوی كرنا شه‌ر به”، ئه‌ڤ ژی ته‌كستا وێ په‌یامێ یه:
ب ناڤێ خوەدایێ مەزن و دلۆڤان
ژ بلی وێ یەکێ کو د دەما دەرباسبوویی دە مە گەلەک ھەول دان کو شەر و نەئارامی ژ گەلێ کورد ل سووریێ دوور بکەڤێ و ئێدی ئێش و کارەسات روو نەدن، لێ بەلێ مخابن ل چەند رۆژێن دەرباسبوویی ناڤچەیێن کوردنشینێن باکوورێ سووریێ تووشی ئێریش و رەوشەکە مەترسیدار بوون.
بەردەوامبوونا شەر و رەوشا مەترسیدار، گەفەکە گەلەک جددیە ل سەر ژیانا خەلک و ئاساییش و ئارامیا گشتی ئا ناڤچەیێ دکە ئارمانج.
ل ڤر ده ب پێویست دزانم ب خەلکێ خوەراگرێ کوردستانێ و ھەموو ئالیان رابگھینم کو سەدەمێن وێ شەرێ ھەر چ بن و ھەر ئالیەک کێمتەرخەم به یان دەستێ وان ل ڤێ رەوشا ترسناک ده هه‌به، نھا دەم، دەما موزایەداتێن بێفەیدە و نێرینێن ئاتیفی و ھەلچوونێ نینە. دەما وێ یه‌كێ یه کو ئەم ھەموو ئالی ھەر چ ھەول و شیانا مە ده ھەیە بکاربینین ژ بۆ کو داویا ڤێ شەرێ بێ و ئێدی خەلکێ بێ تاوان باجا وێ رەوشا مەترسیدار نەدن و رێ ل گوھەرینا دەمۆگرافیایا وان ناڤچەیان ژی بێ گرتن.
مه‌سعوود بارزانی
12/10/2019
