ئۆپەراسیۆنا داگیرکاری ئا رۆژئاڤا كوردستانێ ژ ئالیێ ترکیێ ڤە هەر کو دچە بەرفرەهتر دبە و ژ سەدەما بۆمبەباران کرنا هەرەمەکی ئا سیڤیلان ژ ئالیێ ئارتەشا داگیرکار ئا ترکیێ، گەلێ کورد ل کۆبانی ناچار مان بەر ب ناڤچەیێن ئارام برەڤن.
پاش کو ئۆپەراسیۆنا داگیرکاری ئا سەر رۆژئاڤایێ کوردستانی بەر ب رۆژا 4ان چووی، ئێریشا ئارته‌شا دەولەتا ترک بەرفرەهتر دبە و ناڤچەیێن سڤیل تێن بومبەباران کرن، ئەڤ یەک ژی بوویە سەدەما ترسێ ل جەم هەمولاتیێن کورد ب تایبەتی ل کانتۆنا کۆبانێ.
ل گور زانیاریێن تایبەت ئێن دارکا مازیێ ئیرۆ هەژمارەکە هەری زێدە ئا گەلێ کۆبانێ ژبەر ئێریشێن هۆڤانە ئێن دەولەتا داگیرکار ئا ترکیێ ناچار مان کۆبانی ب جی بهێلن و بەر ب ناڤچەیین ئارام برەڤن.
تێ زانین کو ئەنیا شەر ل گرێ سپی و سەرێ کانیێ پر دژوار بوویە و ل گورەی راگهاندنەکە نەتەوەیێن یەک بوویی ب قاسی 200 هه‌زار کەسان تا نها گوندەوارێن خوە بجی هشتینە.
