شه‌ره‌كێ گران ل ئه‌نیێن سه‌رێ كانیێ و گرێ سپیێ تێ كرن

شه‌ره‌كێ گران ل ئه‌نیێن سه‌رێ كانیێ و گرێ سپیێ تێ كرن

ئێریشا تركیێ ئا داگیركاری ل سه‌ر رۆژئاڤا كوردستانێ ده‌رباسی رۆژا 5ان دبه‌، ژ سه‌رێ سبێ بۆردۆمانێ ل ئه‌نیێن سه‌رێ كانیێ و گرێ سپیێ ده‌ستپێكریه‌، شه‌ره‌كێ گران ل سه‌رێ كانیێ و سلۆكێ تێ كرن.

ئارته‌شا تركیێ و میلیشیایێن وێ ئێن ب ناڤێ ئارته‌شا ئازاد ئا سووریێ ل ئێڤارا 9/10/2019ان ئێریشا داگیركاری ئا ل سه‌ر رۆژئاڤا كوردستانێ ده‌ستپێكر، ب به‌هانه‌یا ئاڤاكرنا هه‌رێما ئه‌وله‌هیێ، ئیرۆ ئه‌ڤ ئێریش ده‌رباسی رۆژا 5ان دبه‌ و هه‌ركو دچه‌ زرارێن كو گهانه‌ خه‌لكێ سڤیل بێهترن.

د رۆژا 5ان ئا ئێریشێ ده‌، ژ سه‌ر سبێ یا ئیرۆ رۆژا یه‌كشه‌می 13/10/2019ان، شه‌ر و په‌ڤچوونه‌كه‌ گران ل سه‌رێ كانیێ و گرێ سپیێ تێ كرن، ئارته‌شا داگیركار ده‌رباسی تاخا پیشه‌سازی بوویه‌، ل گرێ سپیێ ژی به‌رخوه‌دان تێ كرن.

هه‌موه‌ختا ئێریشا په‌ژاهیێ، باله‌فرێن جه‌نگی ئێن تركیێ و تۆپخانێن میلیشیایێن ئارته‌شا ئازاد ئا سووریێ بۆردۆمانا سه‌رێ كانیێ، گرێ سپیێ و هه‌ر وها گونده‌وارێ دربێسیێ و كه‌مپا ئه‌ین ئیسا كرنه‌.

چاڤكانی ئه‌شكه‌ره‌ دكن كو د شه‌ر و په‌ڤچوون و بۆردۆمانێن ئیرۆ ژی ده‌، هه‌مولاتی ئێن سڤیل بریندار بوونه‌.