دیمه‌نێن كۆمكوژیا داگیركاریا تركیێ ل سه‌رێ كانیێ

باله‌فرێن ئارته‌شا تركیێ ئێڤارا ئیرۆ كۆم كوژیه‌ك ل سینۆرێ سه‌رێ كانیێ پێكئانی وه‌ختا كو كاروانه‌كێ ئه‌ره‌به‌یێن سڤیلان بۆمب باران كرین، 11 هه‌مولاتی شه‌هید كه‌تن و 74 بریندار.

چاڤكانیێن رۆژئاڤا كوردستانێ ئه‌شكه‌ره‌ كرن، ئێڤارا ئیرۆ رۆژا یه‌كشه‌می 13/10/2019ان، باله‌فرێن جه‌نگی ئێن داگیركاریا تركیێ، ل سینۆرێ باژاركێ سه‌رێ كانیێ، قافیله‌یه‌كه‌ سڤیلان كو ژ بۆ پشتگری ئا به‌رخوه‌دان ژ ناڤچێن جودا ئێن باكوورا رۆژهلاتا سووریێ هاتبوون، بۆمب باران كر.

ئاگاهیێن ده‌ستپێكی به‌حسا شه‌هید كه‌تنا 11 هه‌مولاتیان كرنه‌، هه‌موخت 74 هه‌مولاتی بریندار بوونه‌، شه‌هیده‌ك و 6 بریندار مه‌دیا كارن.