سه‌رێ كانیێ ژ ته‌ڤ ئه‌نیان دۆرپێچ كریه‌

سه‌رێ كانیێ ژ ته‌ڤ ئه‌نیان دۆرپێچ كریه‌

ئارته‌شا تركیێ و میلیشیایێن وێ ئێن ئارته‌شا ئازاد ئا سووریێ، ئیرۆ باژارێ سه‌رێ كانیێ ئێ رۆژئاڤا كوردستانێ ژ ته‌ڤ ئه‌نیان دۆرپێچ كرنه‌، شه‌ر و په‌ڤچوونه‌كه‌ گران لێ تێ كرن.

د رۆژا نه‌هه‌مین ئا ئێریشا داگیركاری ئا تركیێ ل سه‌ر رۆژئاڤا كوردستانێ، ئیرۆ رۆژا پێنجشه‌می 17/10/2019 ئارته‌شا تركیێ و چه‌كدارێن ئارته‌شا ئازاد ئا سووریێ، ژ ته‌ڤ ئه‌نیان باژارێ سه‌رێ كانیێ دۆرپێچ كرنه‌ و ترسه‌كه‌ مه‌زن هه‌یه‌، باژار وه‌ره‌ داگیر كرن.

هه‌موه‌ختا ئێریشا په‌ژاهیێ، باله‌فرێن جه‌نگی ئێن ئارته‌شا تركیێ، بۆردۆمانا ناڤه‌ندا سه‌رێ كانیێ و ده‌ردوورا وێ دكن، زرارێ جانی به‌ر گه‌لێ سڤیل كه‌تنه‌.

ئارته‌شا تركیێ ئه‌شكه‌ره‌ كریه‌ كو هنه‌كی مایه‌ له‌شكرێن وان ده‌رباسی ناڤه‌ندا باژارێ سه‌رێ كانیێ ببن، گرتنا باژار ژی پرسه‌كه‌ په‌یوه‌ندی ب ده‌مێ ڤه‌ هه‌یه‌.

لێ به‌لێ ل به‌رانبه‌ر، هێزێن سووریایا ده‌مۆكراتیك هه‌سه‌دێ ئه‌شكه‌ره‌ كریه‌، به‌رهنگاربوونا یه‌كینه‌یێن وان بۆ پاشده‌برنا هێرشێ هه‌یه‌، وان ژی زرارێن مه‌زن ل ئارته‌شا داگیركار خستنه‌.