ترامپ بۆ ئه‌ردۆگان: ئێ ئه‌حمه‌ق نه‌به‌

ترامپ بۆ ئه‌ردۆگان: ئێ ئه‌حمه‌ق نه‌به‌

سه‌رۆكێ ئه‌مه‌ریكایێ ل 9 ئۆكتۆبه‌را سالا 2019ان، نامه‌یه‌ك ژ سه‌رۆكێ تركیێ ره‌ شاندیه‌، دۆنالد ترامپ ژ بۆ ره‌جه‌ب ته‌یب ئه‌ردۆگان نڤیساندیه‌: ئێ ئه‌حمه‌ق نه‌به‌، ئه‌زێ پاش ب ته‌ره‌ ئاخڤم.

ل ده‌ربارا ئێریشا سه‌ر رۆژئاڤا كوردستانێ كو ئارته‌شا تركیێ ل 9 ئۆكتۆبه‌را 2019ان ده‌ستپێكر و هات به‌لاڤكرن كو سه‌رۆكێ ئه‌مه‌ریكایێ ده‌ستوورا ئێریش كرنێ ب سه‌رۆكێ تركیێ دایه‌، دۆنالد ترامپ نامه‌یه‌كه‌ نڤیسكی ژ بۆ ره‌جه‌ب ته‌یب ئه‌ردۆگان شاندیه‌.

د نامه‌یا ترامپی ده‌ كو ئیمزه‌یه‌ وی ل سه‌ر هه‌یه‌، تێده‌ ترامپ ب ئه‌رۆدگان ره‌ دبێژه‌: وه‌ره‌ ئه‌مێ لهه‌ڤهاتنه‌كه‌ باش پێكبینین، تو ناخوازی ژ كوشتنا هزاران كه‌سان به‌رپرسیار ببی، ئه‌ز ژی ناخوازم ئابوورا تركیێ وێران بكم و دێ وێ چه‌ندێ بكم.

ترامپ د نامێ ده‌ دبێژه‌: من گه‌له‌ك خه‌بات كر هه‌یا كو هنه‌ك ژ ئاریشێن وه‌ مه‌ چاره‌سه‌ر كرن، جیهانێ بێ هێڤی نه‌كه‌، تو دكاری لهه‌ڤهاتنه‌كه‌ مه‌زن پێكبینی.

سه‌رۆكێ ئه‌مریكایێ گۆتیه‌ ئه‌ردۆگان: جه‌نه‌رال مه‌زلووم كۆبانی فه‌رماندارێ هێزێن سووریایا ده‌مۆكراتیك ئێ ئاماده‌یه‌ نیقاشێ ب ته‌ره‌ بكه‌، دیرۆك وێ ب باشی به‌هسا ته‌ بكه‌ گه‌ر ته‌ هه‌نگاڤه‌كه‌ راست ئاڤێت، لێ به‌لێ دێ وه‌كه‌ ئه‌هریمه‌نی ل ته‌ مه‌یزه‌ بكه‌ وه‌ختا كو هه‌نگاڤا ته‌ ئا خراب به‌، ئێ زۆردان نه‌به‌، ئێ ئه‌حمه‌ق نه‌به‌، ئه‌زێ پاش ب ته‌ره‌ ب ئاخڤم.

سه‌رۆكێ ئه‌مه‌ریكایێ ته‌كستا نامه‌یا خوه‌ ئا ژ بۆ سه‌رۆكێ تركیێ به‌لاڤكر ژبۆ كو شكبارێن كو گۆتنه‌ ترامپ ده‌ستوورا ئێریشا سه‌ر رۆژئاڤا دایه‌، بێده‌نگ بكه‌.

سه‌رۆكێ تركیێ ل 6 ئۆكتۆبه‌را ئیسالێ، د په‌یوه‌ندیه‌كه‌ تێله‌فوونی ده‌ ل گه‌ل ترامپ، ئێریشا سه‌ر رۆژئاڤا كوردستانێ نیقاش كربوو، ل 9 ئۆكتۆبه‌رێ هه‌ره‌كه‌تا ئارته‌شێ بۆ رۆژهلاتا فراتێ ده‌ستپێكر.

ترامپ بۆ ئه‌ردۆگان: ئێ ئه‌حمه‌ق نه‌به‌