تركیێ 2 گه‌ریلا ل باكورێ كوردستانێ به‌رته‌ره‌ف كرن

تركیێ 2 گه‌ریلا ل باكورێ كوردستانێ به‌رته‌ره‌ف كرن

یه‌كینه‌یێن جه‌ندرمه‌یێن تركیێ ئیرۆ ئێریشه‌ك ل سه‌ر ناڤه‌ندێن و هه‌ره‌كه‌تێن پارتیا كاركه‌رێن كوردستانێ ل سه‌مسۆرا باكۆرێ كوردستانێ پێك ئانین، 2 گه‌ریلا به‌رته‌ره‌ف كرن.

هات راگهاندن كو ئیرۆ رۆژا شه‌می 19/10/2019ان د ئۆپەراسیۆنا كو ل چل و چیایێن سه‌مسۆرێ ئا باكورێ كوردستانێ ھاتیه‌، 2 گه‌ریلایێن په‌كه‌كێ ھاتن بەرتەرەفکرن.

وه‌زاره‌تا ناڤخوه‌ ئا تركیێ د به‌یانه‌كه‌ نڤیسكی ده‌ ئه‌شكه‌ره‌ كر، د چارچووڤەیا ئۆپەراسیۆنێن ئەولەھیا ناڤخوە ئا یه‌كینه‌یێن تایبەت ئا جه‌ندرمه‌یان كو ل چل و چیایێن سه‌مسۆرێ کرنه‌، 2 گه‌ریلایێن په‌كه‌كێ هاتن‌ به‌رته‌ره‌ف كرن.

هه‌موه‌خت وه‌زاره‌تا ناڤخوه‌ دەست نیشان کر کو ئۆپەراسیۆنێن ل ھەرێمێ دەوام دکن.