د 10 رۆژان ده داگیركاریا تركیێ 235 سڤیلێن رۆژئاڤا شه‌هید كرنه
هه‌یڤا سۆر: ژ راگرتنا شه‌ر 20 وه‌لاتیێن رۆژئاڤا كوردستانێ شه‌هید بوونه
ژ ده‌ستپێكا ئێریشا تركیێ ل سه‌ر رۆژئاڤا كوردستانێ كو تركێن داگیركار ناڤێ (كانیا ئاشتیێ) لێ كرنه، 235 ولاتی ژ گه‌لێ رۆژئاڤا شه‌هید كه‌تنه.
هه‌ڤسه‌رۆكێ ده‌سته‌یا ساخله‌میێ ل رێڤه‌به‌ریا خوه‌سه‌ر ئا باكورێ رۆژهلاتا سووریێ، جوان مسته‌فا، ئێڤارا ئیرۆ رۆژا شه‌می 19-10-2019ان د كۆنفه‌ره‌نسه‌كه چاپه‌مه‌نیێ ده ئه‌شكه‌ره كر، ژ ده‌ستپێكا ئێریشا داگیركاریا تركیێ ل سه‌ر رۆژئاڤا كوردستانێ، 235 ولاتی شه‌هید كه‌تنه، 600 ولاتیێن دن ژی بریندار بوونه.
هه‌ر وها ئه‌شكه‌ره كر، ئارته‌شا داگیركار ئا تركیێ و میلیشایێن وێ ئێن ئارته‌شا ئازاد ئا سووریێ، خال و ناڤه‌ندێن ساخله‌میێ ل سه‌رێ كانیێ كرنه ئارمانج و ژ كار خستنه.
هه‌موه‌خت دیار كر كو باژارێ سه‌رێ كانیێ ژ ده‌ستپێكا ئێریشا داگیر كاریێ ل بن دۆرپێچێ یه و ب ده‌هان بریندار تێدا ئاسێ مانه و كارینا ده‌ركه‌تنا وان تونه‌یه، هه‌موه‌خت جه‌سه‌دێن هه‌ژماره‌كه شه‌هیدان د بن ئاڤاهیێن وێران بووی ئێن سه‌رێ كانیێ ده مانه.
هه‌ڤسه‌رۆكێ هه‌یئه‌تا ساخله‌میێ ل رێڤه‌به‌ریا خوه‌سه‌ر دبێژه: ئامارا هه‌ری داوی ئه‌ڤه (235 شه‌هید، 20 زارۆ شه‌هید، 677 بریندار).
ئه‌ڤ داخویانیا هه‌یئه‌تا ساخله‌میێ ل رێڤه‌به‌ریا خوه‌سه‌ر هه‌موه‌ختا داخویانیا رێخستنا هه‌یڤا سۆر ئا كوردی یه كو گۆتیه ژ ده‌ستپێكا راگهاندنا ئاگربه‌ستێ ل 17 جۆتمه‌هێ، نێزی 20 وه‌لاتیێن رۆژئاڤا كوردستانێ شه‌هید كه‌تنه.
