ئه‌مه‌ریكا تو له‌شكه‌رێن خوه‌ ل رۆژئاڤا نه‌هشتن

ئه‌مه‌ریكا تو له‌شكه‌رێن خوه‌ ل رۆژئاڤا نه‌هشتن

ئارته‌شا ئه‌مریكایێ ئیرۆ ده‌ست ب ڤه‌كشاندنا هێزێن خوه‌ ئین ل باكوورێ رۆژهلاتا سووریێ كرنه‌، د پلانێ ده‌یه‌ تو له‌شكر ل ور نه‌مینه‌، ل ده‌ما هه‌ركه‌تا ئه‌ره‌به‌یێن ئارته‌شا ئه‌مه‌ریكایێ خۆرتێن كورد ئه‌و به‌ر باران كرنه‌.

ژ دوهـ شه‌ڤێ، ئارته‌شا ئه‌مه‌ریكایێ ژ بنگه‌ها سه‌ره‌كه‌ ئا كوالیسیۆنا ناڤنه‌ته‌وه‌ئی ئا دژی دائیشێ ل سینۆرێ حه‌سه‌كێ، ده‌ست ب ڤه‌كشاندنا له‌شكرێن خوه‌ كر، ئه‌مه‌ریكا وێ تو له‌شكران ل رۆژئاڤا كوردستانێ نه‌هێله‌، ئیرۆ كاروانێ ئه‌ره‌به‌یێن وان د ده‌ریێ سێمالكا ئێ سینۆری ره‌، ده‌رباسی هه‌رێما باشوورێ كوردستانێ بوون.

ڤه‌كشاندنا له‌شكرێن ئه‌مه‌ریكایێ ژ باكوورێ رۆژهلاتا سووریێ، ب ده‌ستپێكا بجیكرنا لهه‌ڤهاتنا ئه‌مه‌ریكا و ئه‌نقه‌رێ ئا ئاڤاكرنا هه‌رێما ئه‌وله‌هیێ یه‌، ئه‌وا كو ب سه‌ده‌ما وێ، ئارته‌شا تركیێ داگیركاریا سه‌ر رۆژئاڤا كوردستانێ دایه‌ مه‌شاندن.

ئه‌مه‌ریكایێ له‌شكرێن خوه‌ ژ سینۆرێ كۆبانێ، منبجێ و حه‌سه‌كێ ڤه‌كشاندن، ژ سه‌رێ سبێ ئا ئیرۆ رۆژا دوشه‌می 21/10/2019ان، 4 كاروانێن ئه‌ره‌به‌یێن ئارته‌شا ئه‌مه‌ریكایێ ده‌رباسی هه‌رێما باشوور بوونه‌، ژ بۆ كو بۆ ئه‌مه‌ریكا وه‌رن ب رێكرن.