ناڤه‌ندا چاپه‌مه‌نیا هێزێن سووریایا ده‌مۆكراتیك ئیرۆ ئامارا رۆژا 12ان ئا ئێریشا داگیركاری ئا تركیێ ل سه‌ر رۆژئاڤا كوردستانێ به‌لاڤ كر و ل گۆر وێ، ل سه‌رێ كانیێ، هه‌رێما فراتێ، چه‌ته‌یێن ئارته‌شا تركیێ ئێریشێن دژوار كرنه و زرارێن مه‌زن ب هه‌سه‌دێ كه‌تنه.
ئه‌ڤ ژی ته‌كستا په‌یاما هه‌سه‌دی یه:
سه‌رێ كانیێ
ئارته‌شا داگیرکارا ترک و چەتەیێن گرێدایی وێ ئێریشێن خوە ل سەر ھەرێمێن ئاگربەستێ دۆماندن. د دیرۆکا 20ێ جۆتمەھێ دە کۆمێن چەتەیێن ئارته‌شا داگیرکارا ب پشتگریا باله‌فرێن کەشفێ و باله‌فرێن شەر، ھەول دان ل خەتێن گوندێ مەناجرا یێ باشوورێ سەرێ کانیێ و ھەر وھا ل گوندەوارێن ل رۆژھلاتێ سەرێ کانیێ ئێریش بکن، ھێزێن مە د چارچۆڤەیا (پاراستنا رەوا) دە ب ھەمان ئاوایی بەرسڤ دان ڤان ئێریشان و د ئەنجام دە شەرێن دەم کورت قەومین. د ڤان پەڤچوونان دە 3 چەتە ھاتن کوشتن، 2 ئه‌ره‌به‌یێن زرخی ھاتن ئیمھا کرن و ئه‌ره‌به‌یه‌ك ھات دەربکرن.
ھەرێما فراتێ
کۆمێن چەتەیێن ئارته‌شا داگیركار ب پشتگریا باله‌فرێن شەر، باله‌فرێن کەشفێ و چەکێن گران ئێریش برن ل سەر گوندێن باکوورێ ئەین ئیسا و چەلەبیێ. ھێزێن مە د چارچووڤەیا (پاراستنا رەوا) دە بەرسڤا ھەموو ئێریشان دان. ل گوندێن وەبدێ، کافیا و واستا شەرێن گران قەومین. د ئەنجاما بەرسڤدانا ھەڤالێن مە و شەرێن کو قەومین دە ھەژمارەک ژ چەتەیان ھاتن کوشتن و بریندارکرن.
د ڤان شەران دە ب کێمانی 3 چەتە ھاتن کوشتن، گەلەک ھاتن بریندار کرن و 3 پانزەر ھاتن رووخاندن.
ھەروھا 6 رێھەڤالێن مە ب لەھەنگی شەر کرن و شەھید کەتن، 9 ھەڤالێن مەیێ کو بەرێ پێوەندیا مە ب وان رە قوت ببوو ژی ھات زەلال کرن کو شەھید کەتنە. ھەر وھا 21 ھەڤالێن مە ژی بریندار بوون.
