سه‌رۆكێ پارتییا ده‌مۆكراتا ئا كوردستانێ فه‌رمان كر كو زارۆیێ بریندار ئێ رۆژئاڤا كوردستانێ مهه‌مه‌دی، ژ بۆ وه‌رگرتنا چاره‌سه‌ریێ بشینه فرانسایێ.
سه‌رۆكێ پارتییا ده‌مۆكرات ئا كوردستانێ مه‌سعوود بارزانی رۆژا سێشه‌می 22/10/2019ان فه‌رمان دا كو مهه‌مه‌دێ زارۆ كو د ئێریشا داگیركاری ئا تركیێ ده ل سه‌ر رۆژئاڤا كوردستانێ بریندار كه‌تیه و جه‌سه‌دا وی ب رێژه‌یه‌كه مه‌زن شه‌وتیه، ژ بۆ چاره‌سه‌ركرنێ بشینه ولاتێ فرانسایێ.
پشتی بریارا بارزانی، مهه‌مه‌د ب رێیا باله‌فره‌كێ ژ باژارێ دهۆكێ ژ بۆ هه‌ولێرێ هات برێكرن ژ بۆ كو بچه فرانسایێ.
بارزانی دوهـ رۆژا دوشه‌می، په‌یوه‌ندیه‌كه تێله‌فوونی ب باڤێ مهه‌مه‌د كر و پێره گۆتوبوو كو هه‌ر چ پێویست به ژ بۆ چاره‌سه‌ركرنا مهه‌مه‌د، خه‌مساریێ ناكن.
مهه‌مه‌د پشتی كو بریندار كه‌تی، ژبۆ وه‌رگرتنا چاره‌سه‌ریێ ژ بۆ نه‌خوه‌شخانه‌یه‌كه باژارێ دهۆكێ ئێ هه‌رێما باشوورێ كوردستانێ هاتبوو ڤه‌گوهاستن.
