كۆبانێ بێده‌نگیا جڤاكا ناڤنه‌ته‌وه‌ئی شه‌رمه‌زار دكه‌

كۆبانێ بێده‌نگیا جڤاكا ناڤنه‌ته‌وه‌ئی شه‌رمه‌زار دكه‌

ب هه‌زاران ولاتیێن باژارێ كۆبانێ ئیرۆ خوه‌پێشاندان ل ناڤه‌ندا باژار كرن، وان بێده‌نگیا جڤاكا ناڤنه‌ته‌وه‌ئی ل ده‌ربارێ داگیركاری ئا تركیێ هه‌ری زێده‌ شه‌رمه‌زار كر.

گه‌لێ كۆبانێ ئیرۆ رۆژا سێشه‌می 22/10/2019ان، خوه‌پێشاندان ل قادا ب ناڤێ شه‌هید ئه‌گید ئا ناڤه‌ندا باژار كرن، ب هه‌زاران ولاتیێن كۆبانێ و گونده‌وارێ وێ ل هه‌ڤ كۆمبوون و ب سلۆگانێن جودا، بێده‌نگیا جڤاكا ناڤنه‌ته‌وه‌ئی ل ده‌ربارا ئێریشا داگیركاری ئا تركیێ و وان تاوانێن كو ل راستا گه‌لێ رۆژئاڤا پێك تینه‌، شه‌رمه‌زار كرن.

د خوەپێشاندانێ دە ھەڤسەرۆکێ دەستەیا کاروبارێن جڤاکیا ھەرێما فراتێ، سلێمان کەشیش ئاخڤی و گۆت: تشتا کو ترکیێ ناڤێ “کانیا ئاشتیێ” لێ دکە د ئەنجاما وێ دە ب سەدان دبستان، سازی ھاتن رووخاندن، ب ھەزاران خوەندەکار ژ دبستانێن خوە دوور کەتن و کۆم کوژی ل دژی گەلێ ئاشتیخواز کو ژ بەریا ھەزارێن سالان ب ھەڤرە دژین، پێک ئانی.

سلێمان تەکەز کر کو یەکتیا ئەرەبی، کوردی و ئەرمەنی شەکلێن ھەری باش ژ بەرخوەدانا دیرۆکی ئا گەلێ سووریێ ل دژی دەولەتا ترکا داگیرکار، دەرخست ھۆلێ.

ژ ئالیێ خوه‌ ڤه‌، ئەندامێ کۆمیتەیا کاروبارێن ئۆل و باوەریان ئیبراھیم رەمۆ گۆت: تەکانە رێیا ل دژی دەولەتا ترک ئا داگیركار یەکتیا گەلێری، ھەڤگرتن و گوھنەدانا شەرێ پسلۆلۆژیک و چاپەمەنی یە.

ئارته‌شا تركیێ ل 9 جۆتمه‌ها ئیسالێ ئێریشا داگیركاری ئا ل سه‌ر رۆژئاڤا كوردستانێ ل بن ناڤێ كانی ئا ئاشتیێ ده‌ست پێ كر، زرارێن جانی ئێن هه‌ری زێده‌ ب گه‌لێ رۆژئاڤا خستن، ب ئاوایه‌كی كو ل هنه‌ك ناڤه‌ندێن ناڤنه‌ته‌وه‌ئی ناڤێ كانیا خوینێ ل وێ ئۆپه‌راسیۆنێ كرن، ب تایبه‌تی پشتی كو هنه‌ك رێخستنان ته‌سبیت كری‌ كو ئارته‌شا تركیێ چه‌كێن قه‌ده‌خه‌ كری ل رۆژئاڤا بكار ئانینه‌.