ده‌ستهلاتا رۆژئاڤا رێناده‌ كۆچبه‌ر ده‌رباسی باشوور ببن

ژ ده‌ستپێكا ئێریشا داگیركاری ئا تركیێ، نێزی 5 هه‌زار كۆچبه‌رێن رۆژئاڤا كوردستانێ هاتنه‌ هه‌رێما باشوورێ كوردستانێ، لێ ده‌ستهلاتا رۆژئاڤا پرسگرێكان بۆ وان كۆچبه‌ران چێدكه‌ كو دخوازن ده‌رباسی باشوور ببن.

وەزیرێ ناڤخوە یێ ھکوومەتا ھەرێما کوردستانێ رێبەر ئەھمەد راگھاند کو ھەیا نھا 5 ھەزار پەنابەرێن رۆژئاڤا کوردستانێ ژ بەر شەر ھاتنە ھەرێما کوردستانێ.

ل دەربارێ ھاتنا کۆچبەرێن رۆژئاڤا کوردستانێ رێبەر ئەھمەد راگھاند: سەرۆک وەزیرێ ھەرێما کوردستانێ وەزارەتێن پێوەندیدار ئەرکدار کرنە کو ب باشترین شێوە پێشوازیێ ل کۆچبەران بکن،  لەوما ژی ئامادەکاری ژ بۆ ھاتنا کۆچبەران ھاتیە کرن و ھەیا نھا 5 ھەزار کۆچبەر ھاتنە ھەرێما کوردستانێ.

ئەھمەد وھا گۆت: کۆچبەرێن رۆژئاڤا ل ئالیێ رۆژئاڤا پرسگرێک ژ وان رە دەردکەڤن و نەچار دبن کو ب قاچاخی بێن ھەرێما کوردستانێ و پەرەیان ددن ھەیا کو خوە بگهینن ڤر.

وەزیرێ ناڤخوە یێ ھەرێما کوردستانێ وھا دۆماند: وەک بەرێ سینۆرێ مە ب رۆژئاڤایێ کوردستانێ رە ڤەکریە و ئالیکاریێن مرۆڤی ژ بۆ رۆژئاڤا تێن شاندن. لێ به‌لێ ل ئالیێ رۆژئاڤا پرسگرێکا ھاتنا باشوور ژ کۆچبەران رە دەردکەڤە.”