هه‌موه‌ختا ده‌ستپێكرنا لهه‌ڤهاتنا ئاگربه‌ستا نوو ئا باكوورا رۆژهلاتا سووریێ، ئیرۆ باله‌فرێن بێ پیلۆت ئێن تركیێ ل باره‌گه‌ها شاره‌داریه‌كه باژار سه‌رێ كانیێ خست و زرارێن مه‌زن پێ خستن.
ئیرۆ رۆژا چارشه‌می 23/10/2019ان، باله‌فره‌كه بێ پیلۆت ئا ئارته‌شا داگیركار ئا تركیێ كو ژ سه‌رێ سبی ل ئاسیمانێ باژارێ سه‌رێ كانیێ كارێن كه‌شفێ دكرن، مۆشه‌ك ئاڤێتن بارگه‌ها شاره‌داریه‌كه سینۆرێ باژار و زرارێن مه‌زن پێ خستن.
ل گۆر چاڤكانیان، باله‌فرێن بێ پیلۆت باره‌گه‌ها شاره‌داریا ب ناڤێ (شه‌عب) ل گوندێ زركان ئێ سینۆرێ سه‌رێ كانیێ كرنه ئارمانج.
تركیێ و رووسیا فه‌ده‌رال دوهـ شه‌ڤێ لهه‌ڤهاتنا ئاگربه‌ستا باكوورا رۆژهلاتا سووریێ ئیمزه كر و ل گور وێ، ئاگربه‌ست وێ ژ بۆ 150 سائه‌تێن دن وه‌ره دۆماندن، ل سائه‌تا 12:00ان ئا ئیرۆ رۆژا چارشه‌می، ئاگربه‌ستێ ده‌ست پێ كر و ئه‌ڤ ژی دبه پێشێلكاری ژ بۆ لهه‌ڤهاتنێ.
