شه‌رڤانه‌كێ هه‌سه‌دێ خوه‌ ب چه‌ته‌یێن تركیێ ڤه‌ ته‌قاند

شه‌رڤانه‌كێ هه‌سه‌دێ خوه‌ ب چه‌ته‌یێن تركیێ ڤه‌ ته‌قاند

هه‌سه‌ده‌ دبێژه‌ وان ژ دوهـ ڤه‌ 50 چه‌ته‌یێن تركان كوشتنه‌

هێزێن سووریایا ده‌مۆكراتیك ئه‌شكه‌ره‌ كر ل 24 سائه‌تێن ده‌رباسبوویی ده‌، وان نێزی 50 چه‌ته‌یێن تركیێ ئێن ئارته‌شا ئازاد ئا سووریێ كوشتنه‌، هه‌موه‌خت راگهاند؛ ته‌ڤی كو ئاگربه‌ست ده‌ست پێ كریه‌، لێ به‌لێ تركیێ ب ت ئاوایه‌كی ئێریشێن خوه‌ نه‌سه‌كنادنه‌.

هه‌سه‌دێ به‌یانه‌كه‌ نڤیسكی ئا چالاكیێن 24 سائه‌تێن ده‌رباسبووی ل ئه‌نیێن سه‌رێ كانیێ و گرێ سپی وه‌شاند ئه‌ڤ ژی ته‌كستا وێ یه‌:

داخویانی وھایە:

ئارته‌شا داگیرکار د دیرۆکا22ێ مەھێ دە ژی ئێریشێن خوە نەدا سەکناندن.

سەرێکانیێ

کۆمێن چەتەیان خوەستن ب ئه‌ره‌به‌یێن خوە نێزی چەپەرێن شەرڤانێن مە بکن. ھێزێن مە ب ئارمانجا پاراستنێ بەرسڤ دان ڤێ تەڤگەرێ و چەتەیەک ھات کوشتن.

دێرک

بالافرێن کەشفێ ویێن شەر یێن ئارته‌شا داگیرکار ل سەر ھەرێمێ د تەڤگەرێ دە بوون. ئارته‌شا داگیرکار د دیرۆکا 22ێ مەھێ دە ل سەر خەتا سینۆر لڤین و تەڤگەرا خوە ب ئه‌ره‌به‌یێن سڤیل دۆماند.

ھەرێمێن کۆبانی و ئەین ئیسا

د دیرۆکا 22ێ مەھێ، ل سات 9ێ سبێ دە کۆمێن چەتەیان و ئارته‌شا داگیركار ب ھەژمارەکە مەزن، ئه‌ره‌به‌یێن له‌شكری، چەکێن گران و ب پشتگریا باله‌فرێن بێ پیلۆت خوەستن ئێریش ببن سەر گوندێ چەلبێ. ھێزێن مە بەرسڤ دان ئێریشان و ھەیا سات 12 شەرێن گران قەومین. ل ڤر گەلەک کوشتی و بریندارێن ئارته‌شا داگیركار چێبوون. دیسا د شەرێ ل دەردۆرێ گوند کو ھەیا ئێڤارێ بەردەوام کر، ب کێماتی 50 چەتەیێن ئارته‌شا داگیركار ھاتن کوشتن، ئه‌ره‌به‌یه‌ك له‌شكری ھات رووخاندن.

د ئەنجاما بەرسڤدانا ھێزێن مە ل دژی ئێریشان، ب کێماتی 50 چەتە ھاتن کوشتن، ئه‌ره‌به‌یه‌كه‌ له‌شكری و مۆتۆرەک ھاتن رووخاندن.

ھەڤالێ مە سەبری، د شەرێ ل گوندێ جەلبێ دە ب ئاوایەکی لەھەنگی ھەیا فشەکا خوە یا داوی شەر کر. ھەڤال سەبری پشتی کو د ئەنجاما برینداریا ھەڤرێ یێن خوە دە د دۆرپێچا کۆمێن چەتە دە ما، ژ بۆ کو نەکەڤە دەست ب بۆمبەیا خوە چالاکیەک فەدای پێک ئانی و شەھید کەت.

ھەڤرێ سەبری، د خەتا ئارین و بارینان دە، د کێلیێن کو دژمن باوەر دکر گھیشت ئارمانجا خوە دە ب ئارمانجا پەرچەکرنا دۆرپێچا دژمن چالاکیەک فەدای پێک ئانی. ئەمێ ئاگاھیێن ناسنامەیا رێھەڤال سەبری پشت رە ب رایا گشتی رە پارڤە بکن.

د ڤێ بەرخوەدانێ ب گشتی دە 16 رێھەڤالێن مە شەھید کەتن و ١٣ ھەڤالێن مە بریندار بوون.