مه‌زلووم ئه‌بدی: لهه‌ڤهاتنا سۆچی خزمه‌تا گه‌ل ناكه
فەرماندارێ گشتی یێ هیزێن سووریایا ده‌مۆكراتیك رادگهینه، لهه‌ڤهاتنا سۆچی خزمه‌تا گه‌ل ناكه و وان هه‌لوه‌ستا خوه ب رووسیایێ ره پارڤه‌كریه، هه‌موه‌خت به‌هسا گوهه‌رینان كر و ب پێویست زانی، هه‌سه‌دێ تایبه‌تمه‌ندیا خوه د چارچووڤه‌یا ئارته‌شا سووریێ ده هه‌به.
فەرماندارێ گشتی یێ (هه‌سه‌دێ) مەزلووم ئەبدی ئیرۆ رۆژا پێنجشه‌می ل باژارێ ھەسەکێ جڤینەکە چاپەمەنیێ ساز کر و مژارا ئاگربەست و لھەڤکرنا ل سۆچیێ و گوهه‌رین نرخاندن.
ئەبدی ئیشارەت کر ھەتا نھا ت لھەڤکرنێن وان ب ترکیێ رە چێنەبوون، تەنێ ئاگربەست ھەیە، لێ کۆمێن گرێدایی دەولەتا ترک ئاگربەستێ بنپێ دکن و ئێرشێن خوە د دۆمینن. ئەبدی بانگ ل وەلاتێن گارانتی كار کر ئەرکێن خوە یێن ل ھەمبەری ڤان بنپێکرنان پێک بینن.
ئەبدی دیار کر، ئه‌مەریکایێ خوەست د ئالیێ دیپلۆماسی و ئابووری دە ب رێیا فەرزکرنا سزایان شەر راوەستینە و ترکی نەچار کر کو ئاگربەستێ ئیلان بکە.
د به‌شه‌كا دن یا گۆتنێن خوه دا مەزلووم ئەبدی گۆت: “ب ھێزەکێ تەنێ ئالۆزیا سووریێ چاره‌سه‌ر نابە، ھەبوونا ئه‌مەریکا دێ باندۆرەکە باش د پەیداکرنا چارەسەریا سیاسی دە بکە، سەرۆک ترامپ ژی ئەڤ یەک پشراست کر. “
ل ده‌ربارا كۆچبه‌ربوونا گه‌ل، فەرماندارێ هه‌سه‌دێ ده‌ست نیشان كر کو ژ بەر ئێرشێن ترکیێ دەردۆرا 400 ھەزار کەسان کۆچبەر بوونه.
ئەبدی دەستنیشان کر کو وان نه‌رین و داخوازیێن خوە یێن تێکلداری لهه‌ڤكرنا سۆچیێ ب رووسیا رە پارڤە کرنە و گۆت: “ئەم ھەر 10 مادەیان قەبوول ناکن، فکارێن مە ل سەر ھەنە ژ بەر کو ل دژی بەرژەوەندیێن گەلێ مە نە.”
هه‌ر وها د مژارا چاره‌نڤیسا هێزێن سووریایا ده‌مۆكراتیك ده، ئەبدی دیار کر، هه‌سه‌ده ب چارەسەریا سیاسی ل سووریێ رەیە ب شەرتێ کو تایبەتمەندیا وێ د ناڤ ئارته‌شا سووریێ دە ھەبە.
