ل سینۆرێ زرگانێ هه‌سه‌ده‌ و چه‌ته‌یێن تركیێ شه‌رێن گران دكن

ل كێلیا ناڤچه‌یا زرگانێ یا گرێدای باژارێ سه‌رێ كانیێ، نیڤ رۆژا ئیرۆ، چه‌ته‌یێن تركیێ ئێریشا به‌ژاهی پێك ئانی و هه‌سه‌دێ ئێریش به‌رسڤ دا.

ئارته‌شا تركیێ چه‌ته‌یێن وێ ئیرۆ رۆژا شه‌می 26/10/2019ان و پشتی كو سینۆرێ سه‌رێ كانیێ تۆپباران كری، ئێریشا به‌ژاهیێ برنه‌ كێلیا ناڤچه‌یا زرگانێ یا هه‌مان هه‌رێمێ.

چاڤكانیێن رۆژئاڤا ئه‌شكه‌ره‌ كرن، باله‌فرێن بێ پیلۆت گوندێن مرێكیس و بابل خێر یێن گرێدایێ ناڤچه‌یا زرگانێ یا هه‌رێما سه‌رێ كانیێ كرنه‌ ئارمانج و ب چه‌كێ گران تۆپباران كرنه‌.

ل ڤێ ده‌ربارێ ده‌، هێزێن سووریایا ده‌مۆكراتیك هه‌سه‌ده‌ دبێژه‌: هێزێن وان د چارچووڤه‌یا خوه‌پاراستنا ره‌وا ده‌، به‌رسڤا ئێریشا چه‌ته‌یێن تركان دانه‌.

چاڤكانیێن رۆژئاڤا كوردستانێ ته‌ڤی كو ت پێزانین ل دره‌بارا زرارێن شه‌ر خوه‌یا نه‌كرنه‌، لێ به‌لێ ئیشاره‌ت كر كو شه‌ره‌كێ گران ل ده‌ردوورا زرگانی تێ كرن.

دوهـ رۆژا ئینی 25/10/2019ان، چه‌ته‌یێن تركیێ یێن ئارته‌شا ئازاد جار دن ئێریشا سه‌ر ناڤچه‌یا زرگانی كربوو، لێ به‌لێ راستی به‌رسڤه‌كه‌ توند ئا هه‌سه‌دێ بوون و زرارێن جانی دیتن.