ئارته‌شا تركیێ و چه‌ته‌یێن وێ د چارچووڤه‌یا ئارته‌شا ئازاد ئا سووریێ ده جار دن ئاگربه‌ستێ بن پێ دكه و ئیرۆ ژ سه‌رێ سبێ ده‌ست ئاڤێتنه تۆپبارانا گوندێن سه‌رێ كانیێ.
چاڤكانیێن رۆژئاڤا كوردستانێ ئیرۆ رۆژا شه‌می 26/10/2019ان ئه‌شكه‌ره كرن، چه‌ته‌یێن تركیێ د چارچووڤه‌یا ئارته‌شا ئازاد ئا سووریێ ده، ژ سه‌رێ سبێ یا ئیرۆ گوندێ داوودیێ یێ باژارێ سه‌رێ كانیێ ب چه‌كی گران تۆپباران كرن.
هه‌موه‌خت باله‌فرێن كه‌شفێ یێن بێ پیلۆت یێن تركیێ ل ئاسیمانێ ناڤچه‌یێ گه‌رێن وێ هه‌نه و چاڤكانیان ئه‌شكه‌ره كر كو ئه‌و فرینه ئاماده‌كاریا ئێریشه‌كێ نه.
ئێریشا داگیركاریا تركیێ ل 9 جۆتمه‌ها ئیسالێ 2019ان ل سه‌ر رۆژئاڤا كوردستانێ ده‌ست پێ كریه، ئیرۆ رۆژا شه‌می ئێریش ده‌رباسی رۆژا 17ان بوو، 2 جاران ئاگربه‌ست چێبوویه كو نها ئاگربه‌ستا 150 ده‌مژمێران د مه‌شه، لێ تركیێ و چه‌ته‌یێن وێ ت پابه‌ندی پێ نه‌كرنه و ژ رۆژا ئیلان كرنێ، وێ ئێریشێن خوه نه‌سه‌كناندنه.
