ئارته‌شا تركیێ ب باله‌فرێن بێ پیلۆت و چه‌ته‌یێن وێ ب چه‌كێ گران، نیڤ رۆژا ئیرۆ گونده‌كی سه‌رێ كانیێ تۆپباران كرن و كه‌چه‌كێ جانێ خوه ژ ده‌ستدا.
ئێریشا داگیركاریا تركیێ ل سه‌ر رۆژئاڤا كوردستانێ بۆ رۆژا 17ان د دۆمه، هه‌ر چه‌ند كو ئاگربه‌ست نها د مه‌شه، لێ د تۆپبارانا نیڤ رۆژا ئیرۆ رۆژا شه‌می 26/10/2019ان ده ل گوندێ (خه‌ربه‌ت قه‌راج) یێ گرێدای باژارێ سه‌رێ كانیێ، كه‌چه‌كێ جانێ خوه ووندا كر.
چاڤكانیێن رۆژئاڤا دیمه‌نێن وێ كه‌چێ كو ژ پێكهاتا ئه‌ره‌به و ناڤێ وێ (خه‌وله خدره) ل نه‌خوه‌شخانه‌یه‌كه تل ته‌مرێ وه‌شاندنه و تێده وها خوه‌یا دبه كو برینا وێ كه‌چێ ل سینگا وێ ده‌یه.
گوندێ (خه‌ربه‌ت قه‌راج) دكه‌ڤه نێڤبه‌را ناڤچه‌یێن تل ته‌مر و سه‌رێ كانیێ ده، ئیرۆ ژی راستی تۆپبارانه‌كه توند ئا چه‌تیێن تركیێ هاتیه.
