ئارته‌شا تركیێ و چه‌ته‌یێن وێ ژ ئێڤارا دوهـ ڤه، ژنه‌ك ل سه‌رێ كانیێ بریندار كر، ئیرۆ ژی مینه‌كه داگیركاران ته‌قیا و 2 سڤیلێن دن بریندار كه‌تن.
ئارته‌شا ترکیێ ئا داگیركار و چەتەیێن وێ ئێن ژ دایشێ و به‌ره‌یا نوسره ئێڤارا دوهـ ب گولەیان ژنه‌ك ل گوندێ تل جەبەل ئێ گرێدای باژارۆکێ مەناجیرێ ل گوندەوارێ سەرێ کانیێ بریندار كر، وه‌ختا کو ب ھەڤژینێ خوە رە ژ دەست کریارێن وان درەڤیا.
ئارته‌شا ترکیێ و چەتەیێن وێ ب ئێرشێن خوە ل دژی ھەرێمێن باکوور و رۆژھلاتێ سووریێ، ولاتیێن سڤیل ھەدەف دكن.
ژنا كو به‌ر ب گوله‌یا ئارته‌شا تركیێ كه‌تی ب ناڤێ (وەدھە سالهـ) ئا 20 سال یه و ژ گوندێ تل جەبەلێ ئێ گرێدایی ھەرێما سەرێ کانیێ یه و نها ل نه‌خوه‌شخانه‌یه‌كه تل ته‌مرێ تێ چاره‌سه‌ر كرن.
ئیرۆ رۆژا چارشه‌می ژی، مینه‌كه ئارته‌شا تركیێ ل گوندێ ئه‌سه‌دیه ئێ گرێدای سه‌رێ كانیێ ته‌قیا، د ئه‌نجامێ ده 2 سڤیل ب ناڤێن (هسێن ئه‌لی و مه‌ریش ئیبراهیم) بریندار كه‌ته و ژ بۆ نه‌خوه‌شخانه‌یا هه‌سه‌كێ هاتن ڤه‌گوهاستن.
